AZƏRBAYCAN RESPUBLİKASI XARİCİ İŞLƏR NAZİRLİYİ

20 dekabr 2017-ci il tarixində Efiopiya Federativ Demokratik Respublikasının Azərbaycan Respublikasındakı Fəxri Konsulluğu fəaliyyətə başlamışdır. Fəxri konsul Ceyhun Ələkbərovdur.

Azərbaycan brendi olan ASAN Xidmət ilə Efiopiyanın aidiyyəti qurumları arasında əməkdaşlıq mövcuddur. Efiopiyanin Dövlət Qulluğu Komissiyasının nümayəndələri ölkəmizdə "ASAN xidmət"in fəaliyyəti ilə tanış olmaq və modelinin bu ölkədə qurulması məqsədilə danışıqların aparılması üçün 2023-cü ilin noyabr ayında Azərbaycanda səfərdə olmuşdur. Eyni zamanda ASAN Xidmətin nümayəndə heyəti danışıqların davamı üçün 2023-cü ilin dekabr ayında bu ölkəyə səfər etmişdir.

Beynəlxalq təşkilatlar çərçivəsində Azərbaycan ilə Efiopiya arasında səmərəli əməkdaşlıq mövcuddur.

Azərbaycan və Efiopiya arasında siyasi məsləhətləşmələr mexanizmi mövcuddur. 2023-cü ildə Bakı şəhərində Azərbaycan Respublikasının Xarici İşlər Nazirliyi ilə Efiopiya Xarici İşlər Nazirlikləri arasında siyasi məsləhətləşmələr keçirilmişdir.

17 mart 2023-cü il tarixindən Efiopiyada “Azərbaycanda təhsil almış tələbələrin assosiasiyası” fəaliyyət göstərir.

Xarici işlər nazirlərinin qarşılıqlı səfərləri

- 8-10 noyabr 2017-ci il tarixlərində Azərbaycan Respublikasının xarici işlər naziri Elmar Məmmədyarov Efiopiya tərəfinin dəvəti ilə Efiopiya Federativ Demokratik Respublikasında rəsmi səfərdə olmuşdur.

- 24-26 oktyabr 2019-cu il tarixlərində Bakı şəhərində keçirilən Qoşulmama Hərəkatının XVIII Zirvə Görüşü çərçivəsində Efiopiya Federativ Demokratik Respublikasının Xarici İşlər Nazirliyinin Dövlət naziri Markos Teklenin rəhbərlik etdiyi nümayəndə heyəti Azərbaycanda səfərdə olmuşdur.

- 2 mart 2023-cü il tarixində Bakı şəhərində keçirilmiş Qoşulmama Hərəkatının COVID-19-a qarşı mübarizə üzrə Təmas Qrupunun Zirvə Görüşündə Efiopiya Baş nazirinin müavini, xarici işlər naziri Demeke Mekonnen Haasen iştirak etmişdir.

Parlamentlərarası əlaqələr

AR Milli Məclisində Azərbaycan-Efiopiya parlamentlərarası işçi qrupu Efiopiyanın Xalq Nümayəndələri Palatasında (aşağı palata) Efiopiya-Azərbaycan dostluq qrupu mövcuddur.

- 31 oktyabr - 1 noyabr 2013-cü il tarixlərində keçirilmiş III Bakı Beynəlxalq Humanitar Forumunda Efiopiya Federativ Demokratik Respublikası Parlamentinin Xalq Nümayəndələri Palatasının sədri Abadula Gemeda Daqon iştirak etmişdir.

Müqavilə-hüquq bazası

İki ölkə arasında 2 sənəd imzalanmışdır.

İqtisadi sahədə əməkdaşlıq

İki ölkə arasında ticarət dövriyyəsi, ixrac və idxalın həcmi (min ABŞ dolları)

İl	Ticarət dövriyyəsi	İxrac	İdxal
2021	-	-	-
2022	317.53	136.80	180.73
2023 (yanvar-oktyabr)	150.29	-	150.29

Mənbə: Azərbaycan Respublikasının Dövlət Statistika Komitəsi

Diplomatik Nümayəndəlik

Azərbaycan Respublikasının Efiopiya Federativ Demokratik Respublikasındakı Səfirliyi

Ünvan: Kolfe Keranio şəhərciyi, Woreda 9, Ev N 2467, Əddis-Əbəbə, Efiopiya

Rəsmi internet səhifəsi: www.addisababa.mfa.gov.az

E-poçt: addisababa@mission.mfa.gov.az

Tel: +251 113 691 586/58

Faks: +251 113 691 512

Paylaş