Cənubi Afrika Respublikası
Azərbaycan Respublikası ilə Cənubi Afrika Respublikası arasında ikitərəfli münasibətlər
Azərbaycan Respublikası ilə Cənubi Afrika Respublikası arasında diplomatik əlaqələr 29 aprel 1992-ci ildə qurulmuşdur.
29 noyabr 2016-cı il tarixində Cənubi Afrika Respublikasının Beynəlxalq Əlaqələr və Əməkdaşlıq naziri xanım Maite Nkoana-Maşabanenin rəhbərlik etdiyi nümayəndə heyəti Azərbaycan Respublikasına səfər etmişdir.
23 oktyabr 2019-cu il tarixində Azərbaycan Respublikasının Xarici İşlər naziri Elmar Məmmədyarov Bakı şəhərində keçirilən Qoşulmama Hərəkatının XVIII Zirvə Görüşü çərçivəsində Cənubi Afrika Respublikasının Beynəlxalq Əlaqələr və Əməkdaşlıq Nazirinin müavini Alvin Botesin rəhbərlik etdiyi nümayəndə heyətini qəbul etmişdir.
4 may 2020-ci il tarixində Azərbaycan Respublikası Prezidenti və Qoşulmama Hərəkatının hazırkı sədri cənab İlham Əliyevin təşəbbüsü əsasında Qoşulmama Hərəkatına üzv ölkələrin Covid-19 pandemiyasına qarşı mübarizə üzrə Təmas Qrupunun “COVID-19-a qarşı birlikdəyik” mövzusunda Zirvə Görüşü formatında təşkil olunmuş video-konfransında Cənubi Afrika Respublikasının Prezidenti cənab Siril Ramafoza iştirak etmişdir.
Parlamenlərarası əlaqələr
Azərbaycan Respublikası-Cənubi Afrika Respublikası parlamentlərarası əlaqələr üzrə işçi qrupu fəaliyyət göstərir. Qrupun Azərbaycan tərəfindən rəhbəri Rasim Musabəyovdur.
Müqavilə-hüquq bazası
İki ölkə arasında 3 müqavilə imzalanmışdır.
İqtisadi əməkdaşlıq
Azərbaycan Respublikası ilə Cənubi Afrika Respublikası arasında ticarət dövriyyəsi (min ABŞ dolları)
|
İl |
Ticarət dövriyyəsi |
İxrac |
İdxal |
|
2018 |
162754.2 |
8.65 |
162745.64 |
|
2019 |
5776.05 |
19.26 |
5756.79 |
Azərbaycan Respublikasından Cənubi Afrika Respublikasına ixrac edilən əsas məhsullar: reaktiv mühərriklər üçün kerosin yanacağı, elektrik transformatorların hissələri, maye və qazları ölçən cihaz və aparatların digər hissələri və s.;
Azərbaycan Respublikasına Cənubi Afrika Respublikasından idxal edilən əsas məhsullar: hind qozu, ananas, avokado, portağal, mandarinlər, qreypfrut, üzüm, armudvəheyva, kivi, şaftalı, gavalı, balıq, məftillər, kanatlar, xromfilizləri, qızıl, qara metallardan digər metal konstruksiyalar və s.
Səfirliyin ünvanı: 302 Albert küç, Waterkloof, Pretoriya 0181, CAR
Tel: +27 12 346 10 18 (Səfirlik)
+27 12 346 08 29 (Konsulluq şöbəsi)
Fax: +27 12 346 18 64
E-poçt: pretoria@mission.mfa.gov.az
Internet səhifəsi: www.pretoria.mfa.gov.az