Mərakeş Krallığı
Azərbaycan Respublikası və Mərakeş Krallığı arasında ikitərəfli münasibətlər
1991-ci ilin 30 dekabr tarixində Mərakeş Krallığı Azərbaycan Respublikasının müstəqilliyini tanımışdır. 1992-ci ilin 28 avqust tarixində Azərbaycanla Mərakeş arasında diplomatik əlaqələr yaradılmışdır. Azərbaycanla Mərakeş arasında əlaqələr beynəlxalq təşkilatlar, o cümlədən BMT və İƏT çərçivəsində inkişaf etdirilmişdir.
1994-cü ilin 12 dekabr tarixində Azərbaycan-Mərakeş əlaqələrinin inkişaf etdirilməsi məqsədilə Kasablanka şəhərində Azərbaycan Respublikası Xarici İşlər Nazirliyi və Mərakeş Krallığı Xarici İşlər Nazirliyi arasında məsləhətləşmələr haqqında Protokol imzalanmışdır.
1994-cü ilin 13-15 dekabr tarixlərində Kasablankada keçirilən İslam Konfransı Təşkilatı Dövlət və Hökumət başçılarının 7-ci Zirvə Görüşü zamanı Azərbaycanın mərhum Prezidenti Heydər Əliyevlə Mərakeşin mərhum Kralı II Həsən arasında keçirilmiş görüş zamanı Azərbaycan-Mərakeş əlaqələrinin inkişafı və əməkdaşlığın gələcək perspektivləri müzakirə edilmişdir.
Bakı şəhərində Mərakeş Səfirliyinin və Rabat şəhərində Azərbaycan Səfirliyinin fəaliyyət göstərməsi ikitərəfli əlaqələrin müxtəlif sahələrdə inkişafına öz vacib töhfəsini verir.
Azərbaycan Respublikası və Mərakeş Krallığı arasında siyasi məsləhətləşmələr mexanizmi mövcuddur. 2007-ci ilin 04-06 yanvar tarixlərində iki ölkə arasında siyasi məsləhətləşmələrin 1-ci raundu Rabat şəhərində, 2018-ci ilin 5 mart tarixində isə ikinci raundu Bakı şəhərində keçirilmişdir.
Azərbaycan Respublikası və Mərakeş Krallığı arasında səfər mübadiləsində son illərdə müəyyən dinamik tendensiya müşahidə edilmişdir. Bu dövrdə müxtəlif səviyyələrdə (nazir və nazir müavini, parlament sədri, komitə rəhbəri və müavini, agentlik sədri, ombudsman, şeyx həzrətləri, məhkəmə sədri) qarşılıqlı səfərlər həyata keçirilmişdir.
Xarici işlər nazirlərinin qarşılıqlı səfərləri
- Azərbaycan Respublikasının xarici işlər naziri Elmar Məmmədyarovun rəsmi səfəri:
02-05 may 2007
- Azərbaycan Respublikasının xarici işlər naziri Ceyhun Bayramovun rəsmi səfəri:
13-14 noyabr 2023
- Mərakeş Krallığının xarici işlər və beynəlxalq əməkdaşlıq naziri Nasser Buritanın Azərbaycana rəsmi səfəri:
04-05 mart 2018
Parlamentlərarası əlaqələr
Azərbaycan Respublikasının Milli Məclisində Azərbaycan-Mərakeş parlamentlərarası əlaqələri üzrə işçi qrupu və Mərakeş Krallığının Nümayəndələr Palatasında Mərakeş-Azərbaycan parlamentlərarası dostluq qrupu fəaliyyət göstərir.
- 23-28 sentyabr 2010-cu il - Mərakeş Krallığı Parlamenti Nümayəndələr Palatasının sədri Əbdülvahid Radinin başçılıq etdiyi nümayəndə heyətinin Azərbaycana rəsmi səfəri;
- 29 iyun 2 iyul 2022-ci il - Mərakeş Krallığının Nümayəndələr Palatasının sədri Rəşid Talbi Al Alaminin Qoşulmama Hərəkatının Parlament Şəbəkəsinin Bakıda keçirilən birinci konfransında iştirak etmək məqsədilə Azərbaycana səfəri;
- 15-17 may 2023-cü il - Milli Məclisin Ümummilli Lider Heydər Əliyevin 100 illiyinə həsr olunan xüsusi iclasında iştirak üçün Mərakeş Krallığının Nümayəndələr Palatasının sədri Raşid Talbi Al Alaminin işgüzar səfəri.
- 14-16 dekabr 2023-cü il – Azərbaycan Respublikası Milli Məclisinin sədri xanım Sahibə Qafarova Mərakeşə səfər etmişdir.
Müqavilə-hüquq bazası
Azərbaycan Respublikası ilə Mərakeş Krallığı arasında müxtəlif sahələrdə əməkdaşlıq haqqında 23 sənəd imzalanmışdır.
İqtisadi sahədə əməkdaşlıq
İki ölkə arasında ticarət dövriyyəsi, ixrac və idxalın həcmi (min ABŞ dolları)
|
İl |
Ticarət dövriyyəsi |
İxrac |
İdxal |
|
2019 |
5 099.78 |
1.57 |
5 098.21 |
|
2020 |
2 480.84 |
206.51 |
2 274.33 |
|
2021 |
4 464.78 |
12.04 |
4 452.74 |
|
2022 |
5 434.02 |
- |
5 434.02 |
|
2023 (yanvar-oktyabr) |
5 275.89 |
99.98 |
5 175.91 |
Mənbə: Azərbaycan Respublikasının Dövlət Gömrük Komitəsi
Diplomatik Nümayəndəlik
Azərbaycan Respublikasının Mərakeş Krallığındakı Səfirliyi
Ünvan: 50, Uled Said Suisi, Rabat, Mərakeş
Rəsmi internet səhifəsi: www.rabat.mfa.gov.az
E-poçt: rabat@mission.mfa.gov.az
Tel: (00212) 537 75 13 25
Faks: (00212) 537 75 12 01