Burkina Faso
Azərbaycan və Burkina Faso arasında ikitərəfli münasibətlər
28 may 2004-cü il tarixində ölkələrimiz arasında diplomatik əlaqələrin yaradılması haqqında Protokol imzalanmışdır.
Burkina Fasonun Türkiyədəki Səfirliyi Azərbaycan Respublikasında akkreditə olunub.
Azərbaycan Respublikası ilə Burkina Faso arasında dostluq və əməkdaşlıq əlaqələri mövcuddur. Hər iki ölkə siyasi, iqtisadi, ticarət, sərmayə qoyuluşu və eyni zamanda, beynəlxalq təşkilatlar çərçivəsində qarşılıqlı maraq doğuran məsələlərlə bağlı əməkdaşlığın inkişaf etdirilməsi üçün əlverişli imkanlara malikdir. Azərbaycan ilə Burkina Faso arasında əməkdaşlıq BMT, QH və İƏT çərçivəsində həyata keçirilir və hər iki tərəf bu əməkdaşlıqdan məmnundur.
Xarici İşlər Nazirliyinin nəzdində fəaliyyət göstərən Azərbaycan Respublikası Beynəlxalq İnkişafa Yardım İdarəsi (AİDA) bərabər tərəfdaşlıq çərçivəsində İslam İnkişaf Bankı ilə birgə Burkina-Fasonun paytaxtı Uaqaduquda “Qarşısı alına bilən görmə qabiliyyətinin itirilməsi ilə mübarizə” kampaniyaları:
- 3-8 dekabr 2012-ci il: Cərrahiyyə əməliyyatları nəticəsində 454 görmə qabiliyyətini qismən və ya tamamilə itirmiş insan yenidən öz sağlamlığına qovuşmuşdur. Bundan əlavə, kampaniya müddətində Burkina-Fasodan olan 5 oftalmoloq üçün ixtisasartırma təlimləri təşkil edilmişdir.
- 4-10 may 2013-cü il: Ümumilikdə bu humanitar aksiya ərzində ödənişsiz əsasda 1500 dən çox insan göz müayinəsindən keçmiş, 375 insanın isə göz əməliyyatları nəticəsində görmə qabiliyyəti bərpa edilmişdir. Bununla yanaşı yerli oftalmoloqlar üçün ixtisasartırma təlimləri təşkil edilmişdir.
- Dekabr 2013-cü il: Bu humanitar aksiyalar zamanı 2700-dən çox şəxs göz müayinəsindən keçmiş və 455 görmə qabiliyyətini itirmiş şəxs isə ödənişsiz əsasda əməliyyat olunaraq öz səhhətinə yenidən qovuşmuşdur. Bununla yanaşı yerli oftalmoloqlar üçün ixtisasartırma təlimləri də təşkil edilmişdir.
- May 2014-cü il: Burkina Fasonun paytaxtı Uaqaduqu şəhərində baş tutan humanitar aksiya zamanı görmə qabiliyyətində problemlər olan 2200 insan ödənişsiz əsasda müayinədən keçirilmiş, 460 nəfərin gözlərində cərrahi əməliyyatlar aparılmış, görmə qabiliyyətləri bərpa edilərək onların yenidən normal həyata qayıtmaları üçün imkan yaradılmışdır.
İqtisadi sahədə əməkdaşlıq
İki ölkə arasında ticarət dövriyyəsi, ixrac və idxalın həcmi (min ABŞ dolları)
|
İl |
Ticarət dövriyyəsi |
İxrac |
İdxal |
|
2021 |
0.12 |
- |
0.12 |
|
2022 |
0.50 |
- |
0.50 |
|
2023 (yanvar-oktyabr) |
- |
- |
- |
Mənbə: Azərbaycan Respublikasının Dövlət Statistika Komitəsi