Burundi Respublikası
Azərbaycan Respublikası və Burundi Respublikası arasında ikitərəfli münasibətlər
2 mart 1995-ci il tarixində Azərbaycan – Burundi arasında diplomatik əlaqələrin yaradılması haqqında Protokol imzalanmışdır.
Azərbaycan Respublikası ilə Burundi Respublikası arasında dostluq və əməkdaşlıq əlaqələri mövcuddur. Hər iki ölkə arasında siyasi, iqtisadi, ticarət, sərmayə qoyuluşu və eyni zamanda, beynəlxalq təşkilatlar çərçivəsində qarşılıqlı maraq doğuran məsələlərlə bağlı əməkdaşlığın inkişaf etdirilməsi üçün əlverişli imkanlara malikdir.
AR Milli Məclisində Azərbaycan-Burundi parlamentlərarası işçi qrupu mövcuddur. Azərbaycan ilə bu ölkə arasında əlaqələr əsasən beynəlxalq təşkilatlar çərçivəsində həyata keçirilir.
Xarici işlər nazirlərinin qarşılıqlı səfərləri
23-26 oktyabr 2019-cu il tarixlərində Bakı şəhərində keçirilən Qoşulmama Hərəkatının XVIII Zirvə Görüşü çərçivəsində Burundi Respublikasının Xarici İşlər naziri Ezekel Nibiqiranın rəhbərlik etdiyi nümayəndə heyəti Azərbaycanda səfərdə olmuşdur.
İqtisadi sahədə əməkdaşlıq
İki ölkə arasında ticarət dövriyyəsi, ixrac və idxalın həcmi (min ABŞ dolları)
|
İl |
Ticarət dövriyyəsi |
İxrac |
İdxal |
|
2021 |
1.46 |
- |
1.46 |
|
2022 |
0.17 |
- |
0.17 |
|
2023 (yanvar-oktyabr) |
4.39 |
- |
4.39 |
Mənbə: Azərbaycan Respublikasının Dövlət Statistika Komitəsi