Qabon Respublikası
Azərbaycan Respublikası və Qabon Respublikası arasında ikitərəfli münasibətlər
01 oktyabr 1996-cı il tarixində ölkələrimiz arasında diplomatik əlaqələrin yaradılması haqqında Birgə Kommünike (Ər-Riyad) imzalanmışdır.
Azərbaycan ilə Qabon arasında əməkdaşlıq əlaqələri əsasən BMT, QH, İƏT və digər beynəlxalq təşkilatlar çərçivəsində həyata keçirilir. Qoşulmama Hərəkatı və İslam Əməkdaşlıq Təşkilatı çərçivəsində Azərbaycanın irəli sürdüyü təşəbbüslər Qabon tərəfindən hər zaman dəstəklənmişdir. YUNESKO üzrə AR-in Milli Komissiyasının ADA Universiteti ilə birgə Afrika ölkələrinin YUNESKO üzrə milli komissiyalarının baş katibləri və səlahiyyətli nümayəndələri üçün Bakı şəhərində təşkil edilmiş təlimlərdə Qabondan nümayəndələr, o cümlədən, AIDA tərəfindən xarici ölkələrin diplomatları üçün ADA Universitetində təşkil olunmuş ixtisasartırma kurslarında Qabonlu diplomatlar iştirak etmişdir.
Dövlət başçılarının qarşılıqlı səfərləri
- 2 mart 2023-cü il tarixində Qabon Respublikasının vitse-prezidenti Roze Kristian Ossuka Raponda Bakı şəhərində keçirilən Qoşulmama Hərəkatının COVID-19-a qarşı mübarizə üzrə Təmas Qrupunun Zirvə Görüşündə iştirak etmək məqsədilə Azərbaycan Respublikasında səfərdə olmuşdur.
Xarici işlər nazirlərinin qarşılıqlı səfərləri
- 4-6 aprel 2018-ci il tarixlərində Qabon Respublikasının Xarici İşlər naziri Noel Nelson Messone Qoşulmama hərəkatının nazirlər konfransında iştirak etmək məqsədilə ölkəmizdə səfərdə olmuşdur.
Müqavilə-hüquq bazası
Azərbaycan Respublikası Hökuməti ilə Qabon Respublikası Hökuməti arasında diplomatik əlaqələrin yaradılması haqqında Birgə Kommünike. Ər-Riyad, 1 oktyabr 1996.
İqtisadi sahədə əməkdaşlıq
İki ölkə arasında ticarət dövriyyəsi, ixrac və idxalın həcmi (min ABŞ dolları)
|
İl |
Ticarət dövriyyəsi |
İxrac |
İdxal |
|
2019 |
19.84 |
15.77 |
4.07 |
|
2021 |
12.12 |
12.12 |
- |
|
2022 |
3.32 |
3.32 |
- |
|
2023 (yanvar-oktyabr) |
27.86 |
27.86 |
- |
Mənbə: Azərbaycan Respublikasının Dövlət Gömrük Komitəsi