Esvatini Krallığı
Azərbaycan Respublikası ilə Esvatini Krallığı arasında ikitərəfli münasibətlər
Azərbaycan Respublikası ilə Esvatini Krallığı arasında diplomatik münasibətlər 7 yanvar 2010-cu il tarixində qurulmuşdur.
Azərbaycan Respublikasının Cənubi Afrika Respublikasındakı Səfirliyi eyni zamanda Esvatini Krallığında akkreditə olunub.
Azərbaycan Respublikası ilə Esvatini Krallığı arasında beynəlxalq təşkilatlar çərçivəsində əməkdaşlıq əlaqələri mövcuddur. İki ölkə arasında turizm, ətraf mühitin mühafizəsi, mədəniyyət və digər sahələrdə əlverişli əməkdaşlıq imkanları vardır.
Dövlət başçılarının qarşılıqlı səfərləri
- 23-26 oktyabr 2019-cu il tarixlərində Bakı şəhərində keçirilən Qoşulmama Hərəkatının XVIII Zirvə Görüşü çərçivəsində Esvatini Krallığının Kralı III Msvatini Azərbaycanda səfərdə olmuşdur.
- 25 oktyabr 2019-cu il tarixində Azərbaycan Respublikasının Prezidenti cənab İlham Əliyev Bakı şəhərində keçirilən Qoşulmama Hərəkatının XVIII Zirvə Görüşü çərçivəsində Esvatini Krallığının Kralı III Msvati ilə görüşmüşdür.
Xarici işlər nazirlərinin qarşılıqlı səfərləri
- 2018-ci ilin 4-6 aprel tarixlərində Esvatini Krallığının xarici işlər və beynəlxalq əməkdaşlıq nazirinin 1-ci müavini Coel Musa Nleko Qoşulmama Hərəkatının nazirlər konfransında iştirak etmək məqsədilə ölkəmizdə səfərdə olmuşdur.