Kamboca Krallığı
Azərbaycan Respublikası və Kamboca Krallığı arasında ikitərəfli münasibətlər
Azərbaycan Respublikası və Kamboca Krallığı arasında diplomatik münasibətlər 28 dekabr 1994-cü ildə qurulmuşdur.
Azərbaycan Respublikasının Vyetnam Sosialist Respublikasındakı Səfirliyi iqamətgahı Hanoy şəhərində olmaqla, eyni zamanda Kamboca Krallığında akkreditə olunub. Kamboca Krallığının Ankaradakı Səfirliyi eyni zamanda, Azərbaycan Respublikasında akkreditə olunmuşdur.
Azərbaycan Respublikası və Kamboca Krallığının Xarici İşlər Nazirlikləri arasında siyasi məsləhətləşmələrin birinci raundu 21-23 aprel 2014-cü il tarixlərində Bakı şəhərində Azərbaycan Respublikasının xarici işlər nazirinin müavini Ramiz Həsənov və Kamboca Krallığının Baş naziri Hun Senin sədrliyi ilə keçirilmişdir.
Siyasi məsləhətləşmələrin ikinci raundu 13-15 mart 2019-cu il tarixlərində Pnompen şəhərində Azərbaycan Respublikasının xarici işlər nazirinin müavini Ramiz Həsənov və Kamboca Krallığının Xarici İşlər və Beynəlxalq Əməkdaşlıq Nazirliyinin dövlət katibi Uç Boritin sədrliyi ilə təşkil olunmuşdur.
Siyasi məsləhətləşmələrin üçüncü raundu 01 iyun 2022-ci il tarixində Bakı şəhərində Azərbaycan Respublikasının xarici işlər nazirinin müavini Elnur Məmmədov və Kamboca Krallığının Xarici İşlər və Beynəlxalq Əməkdaşlıq Nazirliyinin dövlət katibi (nazir müavini) Çem Vidyanın sədrliyi ilə keçirilmişdir.
Baş nazirlərin qarşılıqlı səfərləri
21-23 aprel 2014-cü il tarixlərində Kamboca Krallığının Baş naziri Hun Sen Azərbaycana səfər etmişdir.
Parlamentlərarası əlaqələr
Azərbaycan-Kamboca parlamentlərarası əlaqələr üzrə işçi qrupu:
18 noyabr 2022-ci ildən Azərbaycan - Kamboca parlamentlərarası əlaqələr üzrə işçi qrupunun rəhbəri – Məmmədov Ramin ƏIəmşah oğlu.
Müqavilə-hüquq bazası
Azərbaycan Respublikası və Kamboca Krallığı arasında 3 sənəd imzalanmışdır.
İqtisadi sahədə əməkdaşlıq
İki ölkə arasında ticarət dövriyyəsi, ixrac və idxalın həcmi (min ABŞ dolları)
|
İl |
Ticarət dövriyyəsi |
İxrac |
İdxal |
|
2019 |
3 684.19 |
0 |
3 684.19 |
|
2020 |
2 100.00 |
0 |
2 100.00 |
|
2021 |
2 204.66 |
0 |
2 204.66 |
|
2022 |
3 251.68 |
0.80 |
3 250.88 |
|
2023 (yanvar-sentyabr) |
3 930.00 |
0.69 |
3 929.31 |
Mənbə: Azərbaycan Respublikasının Dövlət Statistika Komitəsi
Diplomatik Nümayəndəlik
Azərbaycan Respublikasının Kamboca Krallığında akkreditə olunmuş Səfirliyi
Ünvan: 6A Le Hong Phong küçəsi, Ba Dinh bölgəsi, Hanoy şəhəri, Vyetnam
Rəsmi internet səhifəsi: www.hanoi.mfa.gov.az
Tel: +84247379011