
Sinqapur Respublikası
İkitərəfli münasibətlər haqqında
Sinqapur Respublikası Azərbaycan Respublikasının müstəqilliyini 2 yanvar 1992-ci ildə tanıyıb, iki ölkə arasında diplomatik əlaqələr isə 15 avqust 1994-cü ildə qurulub. 2024-cü ildə diplomatik əlaqələrin qurulmasının 30 illiyi qeyd olunub.
2010-cu ilədək ikitərəfli əlaqələr əsasən beynəlxalq təşkilatlar çərçivəsində həyata keçirilib, sonrakı dövrdə isə iki ölkə arasında qarşılıqlı səfərlərə başlanılıb. Azərbaycan Respublikasının Prezidenti cənab İlham Əliyevin 20–21 noyabr 2012-ci il tarixlərində Sinqapur Respublikasına dövlət səfəri ikitərəfli əlaqələrin inkişafına mühüm təkan verib.
Azərbaycan Respublikasının İndoneziya Respublikasındakı Səfirliyi eyni zamanda Sinqapur Respublikasında akkreditə olunub.
Azərbaycan Respublikası Prezidentinin 27 oktyabr 2025-ci il tarixli 769 nömrəli Sərəncamı ilə Ramil Rzayev Azərbaycan Respublikasının Sinqapur Respublikasında və Filippin Respublikasında Fövqəladə və Səlahiyyətli Səfiri (iqamətgahı Cakartada), eləcə də Azərbaycan Respublikasının Cənub-Şərqi Asiya Dövlətləri Assosiasiyası (ASEAN) yanında Daimi nümayəndəsi təyin edilib. Səfir 24 fevral 2026-cı ildə etimadnaməsini Sinqapur Respublikasının Prezidenti Tarman Şanmuqaratnama təqdim edib.
Sinqapur Respublikasının Azərbaycan Respublikasında akkreditə olunmuş səfiri yoxdur.
Prezidentlərin səfərləri
Azərbaycan Respublikası Prezidentinin Sinqapur Respublikasına səfəri
|
Dövlət başçısı |
Səfərin mahiyyəti |
Tarix |
|
İlham Əliyev |
Dövlət səfəri |
20–21 noyabr 2012-ci il |
Xarici işlər nazirlərinin səfərləri
Sinqapur Respublikası Xarici İşlər Nazirinin Azərbaycan Respublikasına səfəri
|
Nazir |
Səfərin mahiyyəti |
Tarix |
|
Corc Yeo |
Rəsmi səfər |
18–21 mart 2010-cu il |
Parlamentlərarası əlaqələr
Azərbaycan Respublikası Milli Məclisinin Sədrinin Sinqapur Respublikasına səfəri
|
Milli Məclisin Sədri |
Səfərin mahiyyəti |
Tarix |
|
Sahibə Qafarova |
Rəsmi səfər |
13–15 may 2024-cü il |
Səfər çərçivəsində Sahibə Qafarovanın Sinqapur Respublikasının Prezidenti Tarman Şanmuqaratnam, Parlamentin Sədri Seah Kian Penq və davamlılıq və ətraf mühit naziri Qreys Fu ilə görüşləri keçirilib.
Dostluq qrupları
Azərbaycan Respublikası Milli Məclisində Azərbaycan–Sinqapur parlamentlərarası əlaqələr üzrə işçi qrupunun rəhbəri Məşhur Məmmədovdur. Sinqapur Parlamentində parlamentlərarası əlaqələr üzrə işçi qrupu mövcud deyil.
Müqavilə-hüquq bazası
Hazırda Azərbaycan Respublikası ilə Sinqapur Respublikası arasında imzalanmış sənəd yoxdur.
İqtisadi sahədə əməkdaşlıq
İki ölkə arasında ticarət dövriyyəsi, ixrac və idxalın həcmi (min ABŞ dolları)
|
İl |
Ticarət dövriyyəsi |
İxrac |
İdxal |
|
2023 |
119 737,88 |
95 133,09 |
24 604,79 |
|
2024 |
43 330,47 |
5 160,51 |
38 169,96 |
|
2025 |
62 745,40 |
1 324,70 |
61 420,70 |
Qeyd: Azərbaycan Respublikası Dövlət Gömrük Komitəsinin məlumatları əsasında hazırlanıb.
Azərbaycan Respublikasının İndoneziya Respublikasındakı Səfirliyinin ünvanı və əlaqə məlumatları
Ünvan: Jl. Karang Asem Tengah Blok C-5 No. 20, Kuningan Timur, Jakarta Selatan 12950, Indonesia
Telefon: (+62 21) 2555 4408
Elektron poçt: jakarta@mission.mfa.gov.az