Almaniya Federativ Respublikası
Azərbaycan Respublikası və Almaniya Federativ Respublikası arasında ikitərəfli münasibətlər
Almaniya Federativ Respublikası Azərbaycan Respublikasının müstəqilliyini 12 yanvar 1992-ci il tarixində tanımışdır. İki ölkə arasında diplomatik münasibətlər 20 fevral 1992-ci il tarixində qurulmuşdur.
Azərbaycan Respublikasının Almaniya Federativ Respublikasındakı Səfirliyi 2 sentyabr 1992-ci ildə açılmışdır. Almaniya Federativ Respublikasının Azərbaycan Respublikasında Səfirliyi 22 sentyabr 1992-ci ildə açılmışdır.
Azərbaycan və Almaniya arasında əlaqələr bütün sahələrdə yüksək səviyyədə inkişaf etmişdir. İki ölkə arasında siyasi dialoq ali və yüksək səviyyədə mütəmadi qarşılıqlı səfərlər vasitəsilə davam etdirilir.
17-19 fevral 2017-ci il tarixlərində Azərbaycan Respublikasının Prezidenti cənab İlham Əliyev 53-cü Münhen Təhlükəsizlik Konfransında iştirak etmək məqsədilə Almaniyaya işgüzar səfər etmişdir.
14-15 fevral 2020-ci il tarixlərində Azərbaycan Respublikasının Prezidenti cənab İlham Əliyev 56-cı Münhen Təhlükəsizlik Konfransında iştirak etmək məqsədilə Almaniyaya işgüzar səfər etmişdir.
2018-ci ilin avqustunda Almaniya Federativ Respublikasının Federal Kansleri Anqela Merkelin ölkəmizə səfər etmişdir.
Azərbaycan Respublikasının xarici işlər naziri Elmar Məmmədyarov Münhen Təhlükəsizlik Konfransının iclaslarında iştirak etmək məqsədilə 17-19 fevral 2017-ci il, 16-18 fevral 2018-ci il, 15-17 fevral 2019-cu il və 14-15 fevral 2020-ci il tarixlərində Almaniyaya işgüzar səfərlər etmişdir.
Parlamentlərarası əlaqələr
Azərbaycan Respublikası Milli Məclisində Azərbaycan-Almaniya parlamentlərarası əlaqələr üzrə işçi qrupu vardır. Rəhbəri Nurlan Həsənovdur.
Almaniya Federativ Respublikası Bundestaqında Almaniya-Cənubi Qafqaz qrupu fəaliyyət göstərir. Rəhbəri Barbara Hendriksdir.
Müqavilə-hüquq bazası
Azərbaycan və Almaniya arasında 77 sənəd imzalanmışdır.
İqtisadi sahədə əməkdaşlıq
Almaniya Azərbaycanın Avropada ən vacib iqtisadi tərəfdaşlarından biri, Azərbaycan Almaniyanın Cənubi Qafqazda ən mühüm iqtisadi tərəfdaşıdır.
2012-ci ilin 12 noyabr tarixində Bakıda açılmış Almaniya-Azərbaycan Xarici Ticarət Palatası Almaniyanın MDB məkanında Moskvadan sonra ikinci xarici ticarət palatasıdır. Qurumun hər iki tərəfdən 200-dən artıq üzvü vardır.
Azərbaycan Respublikası ilə Almaniya arasında ticarət dövriyyəsi (min ABŞ dolları)
|
İl |
İdxal |
İxrac |
Ticarət dövriyyəsi |
|
2016 |
399 192,01 |
610 831,4 |
1 010 023,41 |
|
2017 |
443 657, 44 |
450 462,03 |
894 119, 47 |
|
2018 |
659 912,85 |
780 847,43 |
1 440 760,28 |
|
2019 |
710 367,98 |
931783,43 |
1642151,41 |
|
2020 |
583 473,68 |
234 109,29 |
817 582,97 |
Mənbə: Azərbaycan Respublikası Dövlət Gömrük Komitəsi.
Ticarət və İnvestisiyalar üzrə Almaniya-Azərbaycan yüksək səviyyəli İşçi Qrup 5 may 2011-ci ildə təsis edilmişdir.İşçi qrupun indiyədək 7 iclası keçirilmişdir. 1-ci iclas 19-21 oktyabr 2011-ci ildə Berlində, son 8-ci iclas isə 31 yanvar 2019-cu ildə Bakı şəhərində keçirilmişdir.
Diplomatik Nümayəndəlik
Azərbaycanın Respublikasının Almaniya Federativ Respublikasındakı Səfirliyinin ünvanı: Hubertusallee 43, 14193 Berlin
Səfirliyinin rəsmi internet səhifəsi: www.berlin.mfa.gov.az