Hindistan Respublikası
Azərbaycan Respublikası və Hindistan Respublikası arasında ikitərəfli münasibətlər
Azərbaycan Respublikası və Hindistan Respublikası arasında diplomatik münasibətlər 28 fevral 1992-ci ildə qurulmuşdur. Azərbaycan Respublikasının Hindistan Respublikasındakı Səfirliyi 2004-cü ildən fəaliyyət göstərir. Hindistan Respublikasının Azərbaycan Respublikasındakı Səfirliyi 1999-cu ilin oktyabr ayında açılmışdır.
İkitərəfli əlaqələrin bütün sahələrdə, o cümlədən siyasi, iqtisadi-ticari, mədəni-humanitar, təhsil və digər sahələrdə inkişafına böyük əhəmiyyət verilir.
Vitse-prezidentlərin qarşılıqlı səfərləri
- 24-26 oktyabr 2019-cu il tarixində Hindistanın 13-cü vitse-prezidenti Muppavarapu Naidu (eyni zamanda Parlamentin yuxarı palatası Rajya Sabhanın sədri) Azərbaycanda işgüzar səfərdə olmuşdur.
Xarici işlər nazirlərinin qarşılıqlı səfərləri
- 2-5 may 2013-cü il tarixində Azərbaycanın xarici işlər naziri Elmar Məmmədyarov Hindistanda rəsmi səfərdə olmuşdur.
- 20-24 yanvar 1995-ci il tarixində Hindistanın xarici işlər naziri N.Vahra Azərbaycanda işgüzar səfərdə olmuşdur.
- 23-25 iyun 1998-ci il tarixində Hindistanın xarici işlər naziri V.Race Azərbaycanda işgüzar səfərdə olmuşdur.
- 3-6 aprel 2018-ci il tarixində Hindistanın xarici işlər naziri xanım S.Svarac Azərbaycanda rəsmi səfərdə olmuşdur.
- 22-26 oktyabr 2019-cu il tarixində Hindistanın xarici işlər naziri Subrahmanyam Jaishankar Azərbaycanda işgüzar səfərdə olmuşdur.
Parlamentlərarası əlaqələr
Azərbaycan Respublikası Milli Məclisində Azərbaycan-Hindistan parlamentlərarası əlaqələr üzrə işçi qrupu 5 dekabr 2000-ci ildə təsis edilmişdir. 24 aprel 2020-ci ildən etibarən Qrupun həmsədri Naqif Həmzəyevdir. Qrupun üzvləri: Cəfərov Müşfiq, Əliyeva Jalə, Kərimzadə Pərvin, Quliyev Rüfət, Rüstəmxanlı Sabir, Seyidzadə Şahin, Vəliyeva Sədaqət. Hindistan parlamentində dostluq qrupunun üzvləri təyin edilməmişdir.
Müqavilə-hüquq bazası
Azərbaycan Respublikası və Hindistan Respublikası arasında müxtəlif sahələr üzrə 12 sənəd imzalanmışdır.
İqtisadi sahədə əməkdaşlıq
İki ölkə arasında ticarət dövriyyəsi, ixrac və idxalın həcmi (min ABŞ dolları)
|
İl |
Ticarət dövriyyəsi |
İxrac |
İdxal |
|
2019 |
1 093.3 |
956.2 |
137.1 |
|
2020 |
58 275.6 |
45 678.5 |
12 597.1 |
|
2021 |
739 102.87 |
594 430.92 |
144 671.95 |
|
2022 |
1 882 072.55 |
1 662 623.90 |
219 448.65 |
|
2023 (yanvar-sentyabr) |
902 700.86 |
744 541.44 |
158 159.42 |
Mənbə: Azərbaycan Respublikasının İqtisadiyyat Nazirliyi
Diplomatik Nümayəndəlik
Azərbaycan Respublikasının Hindistan Respublikasındakı Səfirliyi
Ünvan: 41, Paschimi Marg, Vasant Vihar, Nyu Delhi – 110057, Hindistan
Rəsmi internet səhifəsi: www.newdelhi.mfa.gov.az