İsveçrə Konfederasiyası
Azərbaycan Respublikası və İsveçrə Konfederasiyası arasında ikitərəfli münasibətlər
İsveçrə Azərbaycan Respublikasının müstəqilliyini 23 dekabr 1991-ci ildə tanımışdır. İki ölkə arasında diplomatik münasibətlər 21 yanvar 1992-ci ildə qurulmuşdur.
Azərbaycanın İsveçrə Konfederasiyasında səfirliyi 6 oktyabr 2004-cü ildə təsis olunmuş, 2005-ci ilin sentyabr ayından etibarən Bern şəhərində fəaliyyətə başlamışdır.
İsveçrə Konfederasiyasının Azərbaycandakı səfirliyi 2007-ci ildə təsis edilmiş, səfirliyin rəsmi açılışı 2008-ci ilin mayında həyata keçirilmişdir.
Azərbaycan İsveçrə ilə münasibətlərin inkişafına əhəmiyyət verir və iki ölkə arasında əməkdaşlıq siyasi, iqtisadi və humanitar sahələri əhatə edir.
Dövlət başçılarının qarşılıqlı səfərləri
- Azərbaycan Respublikasının Prezidenti İsveçrəyə ümumilikdə 19 işgüzar səfər həyata keçirmişdir. Sonuncu səfər 2023-cü ilin 16-20 yanvar tarixlərində Dünya İqtisadi Forumunun İllik Toplantısında iştirakla əlaqədar baş tutmuşdur.
- İsveçrə Prezidentləri ölkəmizə 3 dəfə səfər etmişdir. Sonuncu işgüzar səfər 1-2 iyun 2014-cü ildə Didye Burkhalter tərəfindən həyata keçirilib.
Vitse-prezidentlərin qarşılıqlı səfərləri
- AR Vitse-Prezidenti Mehriban Əliyeva Dünya İqtisadi Forumunda iştirak məqsədilə 2018, 2019 və 2020-ci illərdə İsveçrəyə səfər etmişdir.
Xarici işlər nazirlərinin qarşılıqlı səfərləri
- AR Xarici işlər naziri səviyyəsində İsveçrəyə ümumilikdə 6 işgüzar səfər həyata keçirilib. Sonuncu işgüzar səfər (Cenevre şəhəri) nazir Ceyhun Bayramov tərəfindən 2023-cü ilin 11-13 sentyabr tarixlərində həyata keçirilib.
- İsveçrə Xarici işlər naziri səviyyəsində səfər 2015-ci ild’Didye Burkhalter tərəfindən həyata keçirilib. O, Azərbaycanda keçirilən 1-ci Avropa oyunlarının açılış mərasimində iştirak məqsədilə ölkəmizə səfər etmişdir.
Parlamentlərarası əlaqələr
Azərbaycan Respublikasının Milli Məclisində Azərbaycan – İsveçrə parlamentlərarası əlaqələr üzrə işçi qrupu 2 oktyabr 2006-cı ildə təsis edilmişdir. İsveçrə-Azərbaycan parlamentlərarası dostluq qrupu 2 mart 2009-cu ildə təsis edilmişdir.
Parlament sədrləri səviyyəsində İsveçrə tərəfindən 3, Azərbaycan tərəfindən 2 rəsmi səfər həyata keçirilib.
- 2019-cu ilin 10-11 oktyabr tarixlərində Kantonlar Şurasının Prezidenti (Senat) Jan-Rene Furnye Azərbaycana rəsmi səfər etmişdir.
- 2022-ci ilin 9-11 may tarixlərində AR Milli Məclisinin Sədri Sahibə Qafarova İsveçrəyə rəsmi səfər etmişdir.
Müqavilə-hüquq bazası
İki ölkə arasında 31 sənəd imzalanmışdır.
İqtisadi sahədə əməkdaşlıq
Azərbaycan Respublikası Hökuməti və İsveçrə Konfederasiyasının Federal Şurası arasında ticarət və iqtisadi əməkdaşlıq üzrə Birgə Komissiya 2003-cü ildə təsis edilmişdir. Komissiyanın bu günə kimi 9 iclası keçirilmişdir. Sonuncu iclas 2022-ci il 13 dekabr tarixində Bakı şəhərində keçirilmişdir.
İki ölkə arasında ticarət dövriyyəsi, ixrac və idxalın həcmi (min ABŞ dolları)
|
İl |
Ticarət dövriyyəsi |
İxrac |
İdxal |
|
2019 |
1 402 367.56 |
179 090.07 |
1 223 277.49 |
|
2020 |
304 962.13 |
224 780.86 |
80 181.27 |
|
2021 |
457 297.86 |
272 548.63 |
184 749.23 |
|
2022 |
500 729.63 |
430 478.01 |
70 251.62 |
|
2023 |
185 062.91 |
129 878.71 |
55 184.20 |
Mənbə: Azərbaycan Respublikasının Dövlət Gömrük Komitəsi
Diplomatik Nümayəndəlik
Azərbaycan Respublikasının İsveçrə Konfederasiyasındakı Səfirliyi
Ünvan: Kramburgstrasse 10, 3006 Bern, İsveçrə
Rəsmi internet səhifəsi: www.bern.mfa.gov.az