Çoxtərəfli münasibətlər
Çoxtərəfli münasibətlər
Beynəlxalq təşkilatlar
Azərbaycan - BMT-nin Ümumdünya Turizm Təşkilatı (UNWTO) münasibətləri

Azərbaycan 29 sentyabr 2001-ci il tarixindən BMT-nin Ümumdünya Turizm Təşkilatının (UNWTO) üzvüdür. Azərbaycan UNWTO-nun “Turizm naminə qlobal liderlər” kompaniyasına və “Bir milyard imkan, bir milyard turist” təşəbbüsünə qoşulmuşdur. UNWTO öz növbəsində “Turizm haqqında” Azərbaycan Respublikası Qanununun layihəsinin tərtib edilməsində texniki yardım göstərmişdir.

 

2011-ci ilin 8-14 oktyabr tarixlərində Azərbaycan nümayəndəsi Cənubi Koreyanın Qyeonqcu şəhərində keçirilmiş UNWTO-nun 19-cu sessiyasının vitse-prezidenti vəzifəsinə seçilmişdir.

 

2013-cü ildə UNWTO Baş Assambleyasının 20-ci iclasında Azərbaycan Təşkilatın İcraiyyə Şurasına 2013-2017-ci illər üçün üzv seçilmişdir. İcraiyyə Şurasının 104-cü sessiyası zamanı Azərbaycan 2017-ci il üçün Təşkilatın İcraiyyə Şurasının sədri vəzifəsinə seçilmişdir. Baş Assambleyanın 22-ci sessiyası zamanı Azərbaycan 2018-ci il üçün yenidən İcraiyyə Şurasına seçilmişdir. UNWTO-nun Avropa üzrə Regional Komissiyasının 64-cü iclasında Azərbaycan Ümumdünya Turizm Təşkilatının 2019-2021-ci illər üzrə Assosiativ Üzvlük Müraciətlərinə Baxılması üzrə Komitəsinin üzvü seçilib.

 

Ümumdünya Turizm Təşkilatının İcraiyyə Şurasının 110-cu sessiyası 2019-cu ilin 16-18 iyun tarixlərində Bakıda keçirilmişdir. Tədbirdə dünyanın 37 ölkəsindən və bir sıra beynəlxalq təşkilatdan turizm sahəsi üzrə yüksək səviyyəli nümayəndələr iştirak etmişlər.

 

Paylaş
Bütün hüquqlar qorunur. Hər hansı bir lisenziyalı materialdan istifadə etmək üçün əlaqə saxlayın.
Gizlilik Siyasəti