Waving Flag of Colombia (Animated Gif)

Kolumbiya Respublikası

 

Azərbaycan Respublikası və Kolumbiya Respublikası arasındakı ikitərəfli münasibətlər

 

Azərbaycan ilə Kolumbiya arasında diplomatik münasibətlər 12 dekabr 1994-cü ildə qurulmuşdur. 2014-cü ilin 1 aprel tarixindən etibarən Azərbaycan Respublikasının Kolumbiya Respublikasında diplomatik nümayəndəliyi fəaliyyət göstərir. 2014-cü ilin 10 yanvar tarixindən etibarən Kolumbiya Respublikasının Azərbaycan Respublikasında səfirliyi fəaliyyət göstərir.

29-30 may 2017-ci il tarixlərində Azərbaycan Respublikasının Xarici İşlər Naziri Elmar Məmmədyarov Kolumbiya Respublikasına rəsmi səfər etmişdir.

16 iyun 2017-ci il tarixində Maria Anxela Olgin Kolumbiya Respublikasının Xarici İşlər Naziri Azərbaycanda səfərdə olmuşdur.

 

Parlamentlərarası əlaqələr

Azərbaycan Respublikası Milli Məclisində Azərbaycan-Kolumbiya parlamentlərarası işçi qrupu və Kolumbiya Respublikasının Senatında Kolumbiya-Azərbaycan dostluq qrupu fəaliyyət göstərir.

20 fevral 2017-ci il tarixində Kolumbiya Konqresinin Senatının İkinci Komitəsi (xarici əlaqələr, təhlükəsizlik və milli müdafiə üzrə Komitə)  tərəfindən Xocalı faciəsinin 25-ci ildönümü ilə əlaqədar sənəd (Constansia) qəbul edilmişdir.

2018-ci ilin dekabr ayında Kolumbiya Konqresinin Senatının İkinci Komitəsi tərəfindən Ermənistan-Azərbaycan Dağlıq Qarabağ münaqişəsi ilə bağlı Azərbaycan Respublikasının ədalətli mövqeyini dəstəkləyən qətnamə qəbul edilmişdir.

 

Müqavilə-hüquq bazası

İki ölkə arasında 7 sənəd imzalanmışdır.

 

İqtisadi sahədə əməkdaşlıq

Azərbaycan və Kolumbiya arasında 2020-ci ildə ticarət dövriyyəsi 1.229 min ABŞ dolları təşkil etmişdir.

Mənbə: AR Dövlət Statistika Komitəsi

Paylaş
Bütün hüquqlar qorunur. Hər hansı bir lisenziyalı materialdan istifadə etmək üçün əlaqə saxlayın.
Gizlilik Siyasəti