Waving Flag of Chile (Animated Gif)

Çili Respublikası

 

Azərbaycan Respublikası və Çili Respublikası arasında ikitərəfli münasibətlər

 

Azərbaycan Respublikası və Çili Respublikası arasında diplomatik münasibətlər 3 noyabr 1994-cü ildə qurulmuşdur.

Azərbaycanın Çilidə diplomatik nümayəndəliyi 29 noyabr 2013-cü ildə təsis olunmuşdur. Çilinin Azərbaycanda səfirliyi 2018-ci ilin dekabr ayından fəaliyyət göstərir.

18-19 mart 2019-cu il tarixində Elmar Məmmədyarovun Çili Respublikasına rəsmi səfəri olmuşdur. 2019-cu ilin 26 sentyabr tarixində BMT Baş Assambleyasının Nyu-Yorkda keçirilən 74-cü sessiyası çərçivəsində (23-26 sentyabr) xarici işlər naziri Azərbaycan Respublikasının xarici işlər naziri Elmar Məmmədyarovla Çili Respublikasının xarici işlər naziri Teodoro Neumann arasında görüş keçirilmişdir.

 

Parlamentlərarası əlaqələr

Azərbaycan Respublikasının Milli Məclisində Azərbaycan-Çili parlamentlərarası əlaqələr üzrə işçi qrupu fəaliyyət göstərir. Qrupa 5 deputat daxildir. İşçi qrupun rəhbəri işçi Badamov Azərdir.

Çili Respublikasının Milli Konqresinin Senatında Çili-Azərbaycan dostluq qrupu fəaliyyət göstərir. Qrupa 6 senator daxildir. Qrupa Senator Fransisko Çauan (Francisco Chahuan) rəhbərlik edir.

Çili Respublikasının Milli Konqresinin Deputatlar Palatasında Çili-Azərbaycan Dostluq qrupu fəaliyyət göstərir. Qrupa 17 deputat daxildir və Qabriel Silber Romo qrupun sədridir.

 

Müqavilə-hüquq bazası

İki ölkə arasında 2 sənəd imzalanmışdır.

 

İqtisadi sahədə əməkdaşlıq

Azərbaycan Respublikası Dövlət Gömrük Komitəsinin məlumatına əsasən, Azərbaycan və Çili arasında ticarət dövriyyəsi 2018-ci il ərzində 3242.36 min ABŞ dolları olmuşdur.

Çilidən Azərbaycan Respublikasına idxalda aşağıdakı məhsullar üstünlük təşkil etmişdir:

  • Dondurulmuş balıq növləri və balıq məhsulları;
  • Konservləşdirilmiş meyvələr;
  • Kimyəvi məhsullar.

Azərbaycan Respublikasından Çiliyə ixracda aşağıdakı üstünlük təşkil etmişdir:

  • Xalça;
  • Tekstil məhsulları;
  • Mexaniki cihazlar və onların hissələri
Paylaş
Bütün hüquqlar qorunur. Hər hansı bir lisenziyalı materialdan istifadə etmək üçün əlaqə saxlayın.
Gizlilik Siyasəti