Xarici işlər naziri Elmar Məmmədyarov ATƏT-in Bakıda keçmiş layihə əlaqələndiricisi Alexsis Şahtaxtinskini diplomatik fəaliyyətinin başa çatması ilə əlaqədar qəbul edib.
Görüşdə Elmar Məmmədyarov Aleksis Şahtaxtinskinin fəaliyyəti müddətində Azərbaycan ilə ATƏT arasında əlaqələrin inkişafına töhfə verdiyini və praktiki əməkdaşlığa xidmət edən layihələrin icra olunduğunu qeyd etdi.
Aleksis Şahtaxtinski fəaliyyəti dövründə Azərbaycan ilə ATƏT arasında əlaqələrin inkişafı üçün səylərini əsirgəmədiyini diqqətə çatdırdı.
Elmar Məmmədyarov Aleksis Şahtaxtinskiyə gələcək fəaliyyətində uğurlar arzu etdi.