No:144/22, Azərbaycan Respublikası Xarici İşlər Nazirliyinin Mətbuat xidməti idarəsinin nazir Ceyhun Bayramovun Almaniya Federativ Respublikasının Elm və Siyasət Fondunun Alman Beynəlxalq Siyasət və Təhlükəsizlik İnstitunun direktoru Ştefan Mayer ilə görüşünə dair məlumatı 

28 mart 2022-ci il tarixində Almaniyaya işgüzar səfəri çərçivəsində xarici işlər naziri Ceyhun Bayramov Almaniya Federativ Respublikasının Elm və Siyasət Fondunun Alman Beynəlxalq siyasət və Təhlükəsizlik İnstitunun direktoru Ştefan Mayer və institutun elmi tədqiqatçıları ilə dəyirmi masa formatında görüşüb.  

 

Görüş zamanı Azərbaycan ilə Almaniya arasında ikitərəfli münasibətlər, eləcə də ölkəmizin Avropa İttifaqı ilə əməkdaşlığı, beynəlxalq aləmdə və regionda baş verən proseslərə dair geniş fikir mübadiləsi aparılıb.

 

Tərəflər, həmçinin Azərbaycan və Avropa İttifaqı (Aİ) arasında əməkdaşlıq perspektivləri, enerji sahəsində strateji tərəfdaşlıq məsələlərini müzakirə ediblər. 

 

Nazir Ceyhun Bayramov 44 günlük Vətən müharibəsi və üçtərəfli bəyanatların imzalanmasından sonra bölgədə yaranmış yeni reallıqlar, davamlı sülhə nail olunmasına dair imkanlar və Ermənistan-Azərbaycan münasibətlərinin normallaşması ilə bağlı Azərbaycanın mövqeyi barədə qarşı tərəfə ətraflı məlumat verib. Bölgədə sülh və sabitliyin təmin olunması üçün ilk növbədə imzalanmış üçtərəfli bəyanatların tam icra olunmasının vacibliyi vurğulanıb.

 

Sual cavab formatında davam edən görüşdə tərəflər, həmçinin qarşılıqlı maraq doğuran digər məsələlər, o cümlədən regional və beynəlxalq təhlükəsizlik məsələləri ətrafında geniş fikir mübadiləsi aparıblar.
 

Paylaş

Bütün hüquqlar qorunur. Hər hansı bir lisenziyalı materialdan istifadə etmək üçün əlaqə saxlayın.
Gizlilik Siyasəti