Gürcüstan Baş nazirinin müavini və xarici işlər naziri Giorgi Kvirikaşvili Azərbaycan Respublikasına rəsmi səfər edəcəkdir
18-19 oktyabr 2015-ci il tarixində Gürcüstan Baş nazirinin müavini və xarici işlər naziri Giorgi Kvirikaşvili Azərbaycan Respublikasına rəsmi səfər edəcəkdir.
Səfər çərçivəsində Giorgi Kvirikaşvilinin Azərbaycan Respublikasının xarici işlər naziri Elmar Məmmədyarov ilə görüşü nəzərdə tutulub.
Görüşdən sonra keçiriləcək birgə mətbuat konfransında iştirak etmək niyyətində olan KİV nümayəndələrinin 19 oktyabr tarixində saat 13:30-dan gec olmayaraq Xarici İşlər Nazirliyinə gəlmələri xahiş olunur.
Mətbuat konfransında iştirak etmək üçün KİV nümayəndələri təmsil etdikləri qurum tərəfindən verilmiş vəsiqələrini, xarici KİV nümayəndələri isə Azərbaycan Respublikası Xarici İşlər Nazirliyi tərəfindən verilmiş akkreditasiya kartlarını təqdim etməlidirlər.