news banner image Desktop news banner image Mobile
Mətbuat şərhi 24 aprel 2020

No:078/20, AR XİN Mətbuat xidməti idarəsinin Azərbaycan və Ukrayna Xarici işlər nazirləri arasında telefon söhbətinə dair məlumatı

Cari ilin 23 aprel tarixində Azərbaycan Xarici İşlər naziri Elmar Məmmədyarov və Ukrayna Xarici İşlər naziri Dmitro Kuleba arasında telefon söhbəti baş tutub.

Tərəflər ikitərəfli əməkdaşlıq münasibətlərinin gündəliyinə daxil olan bir sıra məsələlər üzrə fikir mübadiləsi həyata keçiriblər.

Nazirlər ikitərəfli əməkdaşlıq gündəliyinin bir-sıra məsələləri üzrə, eləcə də beynəlxalq təşkilatlar çərçivəsində əməkdaşlıq məsələləri ətrafında fikir mübadiləsi aparıb.

İkitərəfli əlaqələrin, o cümlədən iqtisadi, ticarət, nəqliyyat sahələrində daha da möhkəmləndirilməsi nazirlər tərəfindən vurğulanıb. Tərəflər Ukrayna Prezidentinin Azərbaycana rəsmi səfəri zamanı keçirilmiş yüksək səviyyəli görüşlərin və əldə olunmuş razılıqların hər iki ölkə arasında əməkdaşlığın dərinləşməsinə töhfə verəcəyindən əminlik ifadə ediblər.

Tərəflər, habelə turizm sahəsində imkanların daha çox istifadə edilməsinin əhəmiyyətini, hazırda COVİD-19 pandemiyasının bu sahəyə mənfi təsir göstərdiyini qeyd edib və GUAM təşkilatının turizm sahəsində fəaliyyəti də daxil olmaqla bu istiqamətdə əməkdaşlığın davam etdirilməsini vurğulaylblar.

Nazir Elmar Məmmədyarov Ukraynalı həmkarını Azərbaycana rəsmi səfər etməyə dəvət edib və nazir Dmitro Kuleba dəvəti məmnunluqla qəbul edib.

 

Paylaş

Bütün hüquqlar qorunur. Hər hansı bir lisenziyalı materialdan istifadə etmək üçün əlaqə saxlayın.
Gizlilik Siyasəti