Zimbabve

Waving Flag of Zimbabwe (Animated Gif)

Zimbabve Respublikası 

Dövlət Başçısı (Prezident): Zati-aliləri cənab Emmerson Mnanqaqva

İki palatalı parlament: Senat (yuxarı palata) – Prezident: cənab Mabel Çinomona

Assambleya palatası(aşağı palata) – Sədr: cənab Ceykob Mudenda

Xarici İşlər və Beynəlxalq Ticarət naziri: cənab Sibusiso Moyo

 

İkitərəfli münasibətlər

2008-ci ilin 24 oktyabr tarixlərində ölkələrimiz arasında diplomatik əlaqələrin yaradılması haqqında Protokol imzalanmışdır. 

2009-cu ilin fevral ayının 6-da Zimbabve Respublikasının Rusiya Federasiyasındakı, eyni zamanda Azərbaycan Respublikasındakı Səfiri cənab Phelekezela Mphoko etimadnaməsini Azərbaycan Respublikasının Prezidenti cənab İlham Əliyevə təqdim etmişdir.

2012-ci ilin avqust ayında Zimbabve Respublikasının Rusiya Federasiyasındakı Səfiri cənab Bonifas Guva Çidyausiku ölkəsinin eyni zamanda Azərbaycanda səfiri təyin olunmuşdur.

Azərbaycan Respublikası Prezidentinin 2589 saylı, 11 dekabr 2012-ci il tarixli sərəncamı ilə Azərbaycan Respublikasının Cənubi Afrika Respublikasındakı fövqəladə və səlahiyyətli səfiri cənab Elxan Poluxov iqamətgahı Pretoriya şəhərində olmaqla, eyni zamanda Azərbaycan Respublikasının Zimbabve Respublikasında fövqəladə və səlahiyyətli səfiri təyin edilmişdir.

Zimbabve Respublikasına səfəri çərçivəsində Səfir E.Poluxovun 2014-cü ilin 2 aprel tarixində Zimbabvenin Xarici İşlər naziri cənab S.Mumbengegvi və Zimbabve Respublikasının Prezident və Nazirlər Kabinetinin protokol İdarəsinin rəisi səfir M.S.Kajese ilə görüşü baş tutmuşdur.

3 aprel 2014-cü il tarixində Azərbaycan Respublikasının səfiri Elxan Poluxov Zimbabve Respublikasının Prezidenti cənab Robert Qabriel Muqabe tərəfindən qəbul olunmuş və etimadnaməsini təqdim etmişdir.

10-11 aprel 2014-cü il tarixlərində Zimbabve Respublikasının Xarici İşlər naziri cənab Simbaraşe Mumbenqeqvinin Azərbaycan Respublikasına rəsmi səfəri baş tutmuşdur. Səfər çərçivəsində qonaq Azərbaycan Respublikasının Prezidenti cənab İlham Əliyev, Xarici İşlər naziri cənab E.Məmmədyarov, Kənd Təsərrüfatı naziri cənab H.Əsədov, İqtisadiyyat və Sənaye naziri cənab Ş.Mustafayev tərəfindən qəbul edilmişdir.

18-19 yanvar 2019-cu il tarixində Zimbabve Respublikasının Prezidenti cənab Emmerson Mnanqaqva Azərbaycan Respublikasına dövlət səfəri etmişdir. Səfər çərçivəsində Azərbaycan Respublikasının Prezidenti cənab İlham Əliyev ilə görüşmüşdür.

23-26 oktyabr 2019-cu il tarixlərində Bakı şəhərində keçirilən Qoşulmama Hərəkatının XVIII Zirvə Görüşü çərçivəsində Zimbabve Respublikasının Yerli İdarəetmə, İctimai İşlər və Milli Məskunlaşdırma naziri Culi Moyonun rəhbərlik etdiyi nümayəndə heyəti Azərbaycanda səfərdə olmuşdur.

4 may 2020-ci il tarixində Azərbaycan Respublikası Prezidenti və Qoşulmama Hərəkatının hazırkı sədri cənab İlham Əliyevin təşəbbüsü əsasında Qoşulmama Hərəkatına üzv ölkələrin Covid-19 pandemiyasına qarşı mübarizə üzrə Təmas Qrupunun “COVID-19-a qarşı birlikdəyik” mövzusunda Zirvə Görüşü formatında təşkil olunmuş video-konfransında Uqanda Respublikasının Prezidenti cənab Emmerson Mnanqaqva iştirak etmişdir.

 

İqtisadi sahədə əməkdaşlıq

Azərbaycan Respublikası ilə Zimbabve Respublikası arasında ticarət dövriyyəsi (min ABŞ dolları ilə)

İl

İxrac

İdxal

Ticarət dövriyyəsi

2019

0.00

1 383.87

1 383.87

 Mənbə: Azərbaycan Respublikasının Dövlət Gömrük Komitəsi

 

Arxiv üzrə axtarış

xin diplomatic service