Kamerun Respublikası

Prezident: Zati-aliləri cənab Pol Biya

Baş Nazir: cənab Cozef Dion Nqute

İkipalatalı Parlament: Senat (yuxarı palata) – cənab Marsel Niat Njifenji

Milli Assambleya (aşağı palata) – sədr cənab Kavaye Yeguye Cibril

Xarici İşlər naziri: cənab Lejun Mbella Mbella

İkitərəfli münasibətlər

24 fevral 1995-ci il tarixində ölkələrimiz arasında diplomatik əlaqələrin yaradılması haqqında Protokol imzalanmışdır.

2013-cü ilin fevral ayının 27-də Prezident İlham Əliyev ölkəmizdə səfərdə olan Beynəlxalq Hərbi İdman Şurasının, həmçinin Kamerun Milli Olimpiya və İdman Komitəsinin prezidenti HamadKalkabaMalboumu qəbul etmişdir.

2013-cü ilin 1 mart tarixində Azərbaycan Milli Olimpiya Komitəsi ilə Kamerun Milli Olimpiya Komitəsi arasında əməkdaşlıq sazişi imzalanmışdır.

29 iyun - 6 iyul 2013-cü il tarixlərində Xarici İşlər Nazirliyinin Azərbaycan Respublikasının Beynəlxalq İnkişafa Yardım Agentliyi (AIDA) tərəfindən strateji tərəfdaşlıq çərçivəsində İslam İnkişaf Bankı ilə birgə İslam Əməkdaşlıq Təşkilatına üzv olan Afrika ölkələrində həyata keçirilən “Qarşısı alına bilən görmə qabiliyyətinin itirilməsi ilə mübarizə” kampaniyası çərçivəsində Kamerunun paytaxtı Yaundedə humanitar aksiya keçirilmişdir.

Afrikanın sərt səhra iqlimi, havanın daima çirklənməsi və səhiyyənin oftalmologiya sahəsində mütəxəssislərin çatışmazlığı səbəbindən, bu humanitar aksiyalar ərzində, Kamerunda görmə ilə problemi olan minlərlə insan pulsuz olaraq göz müayinəsindən keçmiş, görmə qabiliyyətini itirmiş 303 insan isə ödənişsiz əsasda əməliyyat olunaraq dünyanı bir daha yenidən görmək imkanı əldə etmişdir. Bununla yanaşı, yerli oftalmoloqlar üçün ixtisas artırma təlimləri də təşkil edilmişdir.

8-11 aprel 2015-ci iltarixlərində Kamerun Gömrük İdarəsinin baş direktoru xanım LiLikengMinetteMendomoAvoumveleLibomun rəhbərlik etdiyi nümayəndə heyəti Azərbaycanda səfərdə olmuşdur. Səfər zamanı nümayəndə heyəti AR-in Dövlət Gömrük Komitəsinin sədri, gömrük xidməti general-leytenantı Aydın Əliyev tərəfindən qəbul olunmuşdur.

Humanitar sahədə əməkdaşlıq

14-22 may 2013-cu il tarixlərində Azərbaycan Respublikasının Beynəlxalq İnkişafa Yardım Agentliyi, Kolumbiyanın Prezident yanında Beynəlxalq Əməkdaşlıq Agentliyi, İslam Əməkdaşlıq Təşkilatı (İƏT) və Azərbaycan Dövlət Neft Akademiyasının "Neftin, Qazın Geotexnoloji Problemləri və Kimya" Elmi Tədqiqat İnstitutu ilə birgə "Neft mühəndisliyi və neftin emalı metodları üzrə innovasiyalar" mövzusunda üçüncü ixtisasartırma kursu təşkil etmişdir.Sözügedən ixtisasartırma kursunda Kamerunla yanaşı, Əlcəzair, Anqola, Çad, Kot D’İvuar, Misir, Liviya, Mavritaniya, Nigeriya, CAR və Sudan kimi neft-qaz sənayesinə malik Afrika ölkələrindən və Kolumbiyadan ümumilikdə 14 mütəxəssis iştirak etmişdir.

İqtisadi sahədə əməkdaşlıq

Azərbaycan Respublikası ilə Kamerun Respublikası arasında ticarət dövriyyəsi (min ABŞ dolları ilə)

Mənbə: Azərbaycan Respublikasının Dövlət Gömrük Komitəsi.