21 sentyabr 1959-cu ildə Ermənistan SSR-də anadan olmuşdur.
1977-1982-ci illərdə Kiyev Dövlət Universitetində Beynəlxalq hüquq və beynəlxalq münasibətlər fakültəsinin Beynəlxalq hüquq ixtisası üzrə təhsil almışdır.
1983-1990-cı illərdə Azərbaycan Respublikası Daxili İşlər Nazirliyində müfəttiş, bölmə rəisi vəzifəsində çalışmışdır.
1990-1991-ci illərdə SSRİ Xarici İşlər Nazirliyinin Diplomatik Akademiyasında təhsil almışdır (aspirantura).
1991-1992-ci illərdə Azərbaycan Respublikası Xarici İşlər Nazirliyinin Konsulluq İdarəsinin ikinci katibi vəzifəsində işləmişdir.
1992-1997-ci illərdə Azərbaycan Respublikası Xarici İşlər Nazirliyinin Müqavilə-hüquq Şöbəsinin müdiri, Müqavilə-hüquq İdarəsinin rəisi vəzifəsinə təyin edilmişdir.
1997-2018-ci illərdə Azərbaycan Respublikası Xarici işlər nazirinin müavini vəzifəsində çalışmışdır.
2018-2019-cu illərdə Azərbaycan Respublikası Nazirlər Kabineti Aparatının rəhbəri vəzifəsində işləmişdir.
Azərbaycan Respublikasının Prezidenti cənab İlham Əliyevin 3 may 2019-cu il tarixli Sərəncamı ilə yenidən Azərbaycan Respublikası Xarici işlər nazirinin müavini vəzifəsinə təyin olunmuşdur.
Azərbaycan Respublikası Prezidentinin sərhəd və Xəzər dənizi məsələləri üzrə xüsusi nümayəndəsidir.
12.01.2002-ci ildə Azərbaycan Respublikasının Fövqəladə və Səlahiyyətli Səfiri dərəcəsinə, 17.09.2009-cu ildə “Azərbaycan Respublikasının əməkdar hüquqşünası” fəxri adına, 2009-cu ildə Polşa Prezidentinin sərəncamı ilə iki ölkənin münasibətlərinin inkişafına göstərdiyi xidmətlərə görə “Böyük zabit” ordeninə, 27.12.2018-ci ildə Birinci dərəcə Dövlət müşaviri dərəcəsinə, 09.07.2019-cu ildə İkinci dərəcəli “Vətənə xidmətə görə” ordeninə, 20.09.2019-cu ildə Rusiya Federasiyası Xarici İşlər Nazirliyinin “Beynəlxalq əməkdaşlığa töhfəyə görə” nişanına, 21.09.2019-cu ildə Azərbaycan Respublikasının ictimai-siyasi həyatında səmərəli fəaliyyətə görə “Azərbaycan Respublikası Prezidentinin fəxri diplomu”na layiq görülmüşdür.
Evlidir, iki övladı var.