Səfər çərçivəsində nazir E.Məmmədyarovun, ATƏT-in Minsk qrupunun həmsədr ölkələrinin nümayəndələri - Rusiyanın Xİ naziri S.Lavrov, Fransanın Xİ naziri B.Kuşner və ABŞ dövlət katibinin müavini Ceyms Staynberqın iştirakı ilə Ermənistanın Xİ naziri E.Nalbandyan ilə görüşü keçirilmişdir. Görüşün nəticələrinə dair Minsk qrupunun həmsədrləri tərəfindən birgə bəyanat yayımlanmışdır.

Həmçinin səfər çərçivəsində nazir E.Məmmədyarovun bir sıra təkbətək görüşləri baş tutmuşdur. Görüşlər Polşa Respublikasının Xİ naziri Radoslav Sikorski, Türkiyə Respublikasının Xİ naziri Əhmət Davutoğlu, İsrail Dövlətinin Xİ naziri Aviqdor Liberman, Litva Respublikasının Xİ naziri Audronius Azubalis, Serbiya Respublikasının Xİ naziri Vuk Yeremiç, Keçmiş Yuqoslaviya Respublikası Makedoniyanın Xİ naziri Antonio Milososki, Albaniya Respublikasının Xİ naziri İlir Metaj və Böyük Britaniyanın Avropa məsələləri üzrə Dövlət naziri Devid Livinqston ilə keçirilmişdir.

Görüşlər zamanı tərəflərlə ölkələr arasında ikitərəfli münasibətlər, enerji məsələləri, regionda və dünyada cərəyan edən proseslər ətrafında fikir mübadiləsi aparılmışdır.