Görüşdə P.A.Vibovo İndoneziya ilə Azərbaycan arasındakı münasibətlərin yüksək səviyyədə olduğunu bildirərək regionda cərəyan edən proseslərlə maraqlanmışdır.

Cavab olaraq nazir E.Məmmədyarov İndoneziya Respublikasının Ermənistan-Azərbaycan Dağlıq Qarabağ münaqişəsi məsələsində daim Azərbaycanın ədalətli mövqeyini dəstəklədiyinə görə təşəkkürünü bildirmiş və münaqişənin həllinə dair aparılan danışıq prosesinin cari vəziyyəti barədə qonaqlara ətraflı məlumat vermişdir.

İndoneziya ilə Azərbaycan arasında münasibətlərin inkişafı üçün geniş imkanların olduğunu vurğulayan nazir E.Məmmədyarov hər iki ölkənin parlamentlərinin bu istiqamətdə fəaliyyətini vacib amil kimi qiymətləndirmişdir. 

Sonra tərəflər qarşılıqlı maraq doğuran digər ikitərəfli və regional məsələlər ətrafında fikir mübadiləsi aparılmışlar.