Etimadnamənin surətini təqdim edən səfir Azərbaycana təyin olunmasından məmnun olduğunu qeyd etmişdir. Y.Miqaş fəaliyyəti dövründə Slovak-Azərbaycan arasında iqtisadi, siyasi, mədəniyyət və digər sahələrdə münasibətlərin inkişafına və genişləndirilməsinə xidmət edəcəyini söyləmişdir.

Öz növbəsində qonağı salamlayan nazir E.Məmmədyarov Y.Miqaşin ölkəmizə səfir təyin olunması münasibətilə təbrik etmiş, Azərbaycan ilə Slovakın beynəlxalq təşkilatlar çərçivəsində sıx əməkdaşlıq etdiyini, hər iki ölkə arasında bütün sahələrdə münasibətlərin dərinləşdirilməsi üçün geniş potensialın olduğunu və bu imkanların səmərəli istifadəsinin məqsədəmüvafiqliyini qeyd etmişdir.