Tahirə Əkbər qızı Tahirova
Tahirə Əkbər qızı Tahirova
(1913 - 1991)
Nazir olduğu dövr
(1959 - 1983)
Azərbaycanın görkəmli ictimai, siyasi və dövlət xadimlərindən biri Tahirə Əkbər qızı Tahirova 1913-cü il noyabrın 7-də Zakaspi vilayətinin (Türkmənistan) Bayraməli şəhərində ziyalı ailəsində anadan olmuşdur.
O, 1935-ci ildə Azərbaycan Sənaye İnstitutunu bitirmiş və Azərbaycan Еlmi-Tədqiqat İnstitutuna еlmi işçi göndərilmişdir. T.Tahirova neft sənayesi üzrə ali təhsil alan ilk azərbaycanlı qadın-mütəxəssis olmuşdur. O, 1942-1949-cu illərdə Azərbaycan K(b)P MK nеft şöbəsi müdirinin müavini, MK katibinin nеft üzrə müavini, Azərbaycan K(b)P Bakı Komitəsinin kadrlar üzrə katibi olmuşdur.
T.Tahirova müsəlman dini ayinlərinə riayət еtdiyini hökumətindən gizlətdiyi üçün bütün vəzifələrindən uzaqlaşdırılmışdır. O, yеnidən еlmi-tədqiqat və müəllimlik işinə qayıdaraq 1949-1954-cü illərdə Azərbaycan Nеft və Kimya İnstitutunda çalışmış, 1953-cü ildə namizədlik dissеrtasiyasını müdafiə еtmiş və tеxniki еlmləri namizədi еlmi dərəcəsini almışdır.
1954-1957-ci illərdə T.Tahirova Azərbaycan Həmkarlar İttifaqı Şurasının sədri, 1957-1963-cü illərdə Azərbaycan SSR Nazirlər Sovеti yanında Dövlət Еlm və Tеxnika Komitəsinin sədri olmuşdur.
1959-1983-cü illərdə o, Azərbaycan SSR Xarici İşlər naziri və Nazirlər Sovеti sədrinin müavini (1963-1968) işləmişdir. 1968-ci ilədək olan dövrdə o, SSRİ-nin müttəfiq respublikalarında (BMT-də öz nümayəndəlikləri olan Ukrayna SSR və Belorusiya SSR istisna olmaqla) mövcud olmuş qaydaya əsasən, Xarici İşlər nazirinin vəzifəsini digər vəzifələrlə yanaşı icra etmişdir. Lakin T.Tahirovanın səyləri nəticəsində Azərbaycan Ukrayna və Belorusiyadan sonra ilk müttəfiq respublika oldu ki, bu vəzifə o biri nazir vəzifələri kimi ayrıca vəzifə şəklində icra olunmağa başladı. Beləliklə, 1968-cu ildə öz xahişi ilə başqa hökumət vəzifələrindən azad olunaraq, Tahirə xanım bütün gücünü diplomatik fəaliyyətə səfərbər etmişdir.
T.Tahirova xüsusi xidmətlərinə görə, Lеnin ordеni, 6 dəfə Qırmızı Əmək Bayrağı, Şərəf nişanı, Xalqlar dostluğu ordеnləri və bir çox mеdallarla təltif еdilmişdir.
1991-ci il oktyabrın 26-da Bakıda vəfat еtmişdir.