Azərbaycan Respublikasından xarici ölkələrə səyahət edənlər üçün məlumat

 


Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına Çin Xalq Respublikasında mövcud olan vəziyyətlə bağlı xəbərdarlıq edir

24 yanvar 2020-ci il

 

2019-cu ilin dekabr ayında Çin Xalq Respublikasının Uxan şəhərində yeni növ təhlükəli virus (coronavirus 2019-nCoV) aşkarlanmış və insandan insana keçmə xüsusiyyəti olduğuna görə bu virusa yoluxan insanların sayında artım müşahidə edilmişdir.

Çin Xalq Respublikasının Milli Səhiyyə Komitəsinin 24 yanvar 2020-ci il tarixli məlumatına əsasən, 177 nəfərin vəziyyəti kritik olmaqla 830 nəfər sözügedən virusa yoluxmuş və 25 nəfər vəfat etmişdir. Çinin Uxan şəhərində karantin elan edilmişdir:

http://www.nhc.gov.cn/xcs/yqfkdt/202001/c5da49c4c5bf4bcfb320ec2036480627.shtml

Ümumdünya Səhiyyə Təşkilatı kəskin respirator xəstəliklərin yayılması riskinin azaldılması məqsədilə aşağıdakıları tövsiyə edir:

  • kəskin respirator xəstəliklərdən əziyyət çəkən insanlarla yaxın təmasdan çəkinmək;
  • xəstə insanlarla və ya onların mühiti ilə birbaşa təmasdan sonra əlləri yumaq;
  • canlı/ölü vəhşi və ya kənd təsərrüfatı heyvanları ilə yaxın təmasdan çəkinmək;
  • kəskin respirator xəstəliklər simptomu olan səyahətçilər öskürək etiketinə əməletməlidirlər (məsafə saxlanılmalı, öskürək zamanı ağzı bağlamaq və əlləri yumaq).
  • yaranmış vəziyyətlə bağlı təşvişə düşməmək;
  • sözügedən xəstəliklə bağlı hansısa simptomlar müşahidə edildiyi təqdirdə birbaşa müvafiq tibb müəssisəsinə müraciət etmək.

https://www.who.int/ith/2020-0901_outbreak_of_Pneumonia_caused_by_a_new_coronavirus_in_C/en/

Çinə səfər etmək istəyən Azərbaycan Respublikası vətəndaşlarına ehtiyatlı olmalarını, Ümumdünya Səhiyyə Təşkilatının tövsiyələrinə əməl etmələri və ölkədə mövcud olan vəziyyəti nəzərə almaları tövsiyə olunur. 

Çində daimi, müvəqqəti yaşayan və olan Azərbaycan Respublikası vətəndaşlarının ölkədə elan olunmuş mövcud qaydalara əməl etmələri və yaranmış hər hansı problemlə əlaqədar yardım göstərilməsi üçün Çin Xalq Respublikasının müvafiq səhiyyə qurumlarına və Azərbaycan Respublikasının Çin Xalq Respublikasının Pekin şəhərində yerləşən Səfirliyinə müraciət etmələri tövsiyə olunur.

Azərbaycan Respublikasının xarici ölkələrdəki bütün səfirlik və konsulluqlarının ünvanları Azərbaycan Respublikası Xarici İşlər Nazirliyinin internet səhifəsində (www.mfa.gov.az) yerləşdirilmişdir. Xarici ölkələrdə daimi, müvəqqəti yaşayan və olan Azərbaycan Respublikasının vətəndaşlarına fövqəladə hallar və digər təhlükələr zamanı lazımi kömək göstərilməsi üçün səfirlik və konsulluqlarla əlaqə saxlamaları, konsulluq qeydiyyatına durmaları tövsiyə olunur.

 

Azərbaycan Respublikasının Çin Xalq Respublikasındakı Səfirliyi 

Ünvan:  100600, Qijayuan Diplomatic Compound, Villa B-3-3, Beijing, China

Tel: (+8610) 65 32 46 14

Faks: (+8610) 65 32 46 15

E-mail: mailbox@azerbembassy.org.cn

 

Azərbaycan Respublikası Xarici İşlər Nazirliyi 

Ünvan: Bakı şəhəri, Şıxəli Qurbanov küçəsi 50, AZ 1009

Tel: +994 (12) 596 90 00

Faks: +994 (12) 596 90 01

E-mail: katiblik@mfa.gov.az

 


Suriya Ərəb Respublikasına səfər etmək istəyən Azərbaycan vətəndaşlarının diqqətinə 

 

Azərbaycan Respublikası Xarici İşlər Nazirliyi Azərbaycan Respublikası vətəndaşlarına Suriyadakı mövcud siyasi-ictimai vəziyyəti nəzərə alaraq Suriyaya səfər etmək istəyən Azərbaycan Respublikası vətəndaşlarına vacib olmadıqda səfərlərini təxirə salmalarını tövsiyə edir.
 
Suriyada daimi yaşayan və müvəqqəti olan Azərbaycan Respublikası vətəndaşlarının iğtişaşlara qarışmamaları, ölkədə elan olunmuş mövcud qaydalara əməl etmələri və yaranmış hər hansı problemlə əlaqədar yardım göstərilməsi üçün Azərbaycan Respublikasının Suriyadakı Səfirliyinə müraciət etmələri tövsiyə olunur.
 
Bildiririk ki, Suriyada mövcud ictimai-siyasi vəziyyətlə əlaqədar olaraq, Azərbaycan Respublikasının Suriya Ərəb Respublikasındakı səfirliyi müvəqqəti olaraq Livan Respublikasının Beyrut şəhərinə köçürülmüşdür.
 
Xarici ölkələrdə daimi, müvəqqəti yaşayan və olan Azərbaycan Respublikasının vətəndaşlarına fövqəladə hallar və digər təhlükələr zamanı lazımi köməklik göstərilməsi üçün səfirlik və konsulluqlarla əlaqə saxlamaları, konsulluq qeydiyyatına durmaları tövsiyə olunur.
 
 
Ünvan: Azərbaycan Respublikasının Suriya Ərəb Respublikasındakı Səfirliyi
Lebanon- Beyrut, Antilyas (Rabiya, Aukar)
TEL: (961) 492 68 76, (961) 769 474 62
FAKS: (961) 4926876
 
 

Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına Liviyada mövcud olan vəziyyətlə bağlı xəbərdarlıq edir, 12 may 2011-ci il

 

SƏYAHƏT XƏBƏRDARLIĞI
 
Azərbaycan Respublikası
Xarici İşlər Nazirliyinin
Konsulluq İdarəsi
Ş.Qurbanov küç. 4
 
LİVİYA
 
Azərbaycan Respublikası Xarici İşlər Nazirliyi Azərbaycan Respublikası vətəndaşlarına Liviyadakı mövcud vəziyyətlə bağlı xəbərdarlıq edir.
 
Fevral ayının 15-dən başlayaraq Liviyanın bir çox şəhərlərində hökumət əleyhinə nümayişlər başlamışdır. Daha sonra nümayişçilərlə hökumət qüvvələri arasında silahlı toqquşmalar baş vermiş, mülki əhali arasında xeyli sayda yaralananlar və ölənlər olmuşdur.
 
Nəticədə BMT Təhlükəsizlik Şurası Liviyada baş verən hadisələrlə əlaqədar 26 fevral 2011-ci il tarixində 1970 saylı, 17 mart 2011-ci il tarixində isə 1973 saylı qətnamələri qəbul etmiş, Liviyanın hava məkanı humanitar məqsədlər istisna olmaqla digər bütün növ uçuşlar üçün bağlı elan edilmişdir. 
Eyni zamanda, BMT Təhlükəsizlik Şurasının 17 mart 2011-ci il tarixli 1973 saylı qətnaməsinə əsasən, 19 mart tarixindən etibarən beynəlxalq koalisiya qüvvələri Liviyada əməliyyatlara başlamışdır. Hazırda əməliyyatlar Tripoli, Binqazi, Zintan, Əjdəbiyyə, Breqa, Sebha, Sirte və Misurata yaxınlığında davam etdirilir. Liviyada münaqişə zonaları hər an dəyişə bilər. 
 
Bunları nəzərə alaraq Liviyaya səfər etmək istəyən Azərbaycan Respublikası vətəndaşlarına ehtiyatlı olmaları, vacib olmadıqda səfərlərini təxirə salmaları tövsiyə olunur. 
Liviyada daimi, müvəqqəti yaşayan və olan Azərbaycan Respublikası vətəndaşlarının iğtişaşlara qarışmamaları, ölkədə elan olunmuş mövcud qaydalara əməl etmələri və yaranmış hər hansı problemlə əlaqədar yardım göstərilməsi üçün Azərbaycan Respublikasının Liviya Ərəb Xalq Sosialist Cəmahiriyyəsinin Tripoli şəhərində yerləşən Səfirliyinə müraciət etmələri tövsiyə olunur.
 
Azərbaycan Respublikasının xarici ölkələrdəki bütün səfirlik və konsulluqlarının ünvanları Azərbaycan Respublikası Xarici İşlər Nazirliyinin internet səhifəsində (www.mfa.gov.az) yerləşdirilmişdir. Xarici ölkələrdə daimi, müvəqqəti yaşayan və olan Azərbaycan Respublikasının vətəndaşlarına fövqəladə hallar və digər təhlükələr zamanı lazımi kömək göstərilməsi üçün səfirlik və konsulluqlarla əlaqə saxlamaları, konsulluq qeydiyyatına durmaları tövsiyə olunur.
 
Ünvan
Azərbaycan Respublikasının Liviya Ərəb Xalq Sosialist Cəmahiriyyəsindəki Səfirliyi 
Ünvan:  Tripoli, Nofliyyin, Şuhədə Şatt, Şeyx küç.
Tel: 0021821 340 66 40
Faks: 0021821 340 66 40    
 
Azərbaycan Respublikası Xarici İşlər Nazirliyi 
Ünvan: Bakı şəhəri, Şıxəli Qurbanov küçəsi 4, AZ 1009
Tel: +994 (12) 596 90 00
Faks: +994 (12) 596 90 01  

e-mail: katiblik@mfa.gov.az 

 


Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına Yəməndə mövcud olan vəziyyətlə bağlı xəbərdarlıq edir, 22 fevral 2011-ci il

 

SƏYAHƏT XƏBƏRDARLIĞI
 
Azərbaycan Respublikası
Xarici İşlər Nazirliyi
Konsulluq İdarəsi 
Ş.Qurbanov küç. 4
 
YƏMƏN
 
Azərbaycan Respublikasının Xarici İşlər Nazirliyi Azərbaycan Respublikası vətəndaşlarına Yəməndə baş verən son hadisələrlə bağlı xəbərdarlıq edir.
Fevral ayından başlayaraq Yəmənin paytaxt Səna və Ədən şəhərlərində hökumət əleyhinə nümayişlər və polislə nümayişçilər arasında iğtişaşlar başlamışdır. İğtişaşlar nəticəsində yaralananlar, çoxlu sayda həbs olunanlar və öldürülənlər olmuşdur.
 
Təhlükəsizlik baxımından Səna, Ədən, Saada, Dhamar, Marib Şabvah, Amran, Abyan və Cavf bölgələrinə səyahətlərin təxirə salınması tövsiyə olunur.
 
Yəmən ərazisində Beynəlxalq Sürücülük Vəsiqəsi əsasında avtomobil idarə etmək mümkündür. Ölkə ərazisində sürücülük standartları aşağıdır, dağ yolları isə olduqca təhlükəli və risklidir. Gecə vaxtı əsas şəhərlərdən kənara maşın sürmək məsləhət görülmür.
 
Əgər paytaxt Sənadan kənar ərazilərə maşınla səyahət etmək istəyirsinizsə, sizə Yəmən Turist Polisindən ilkin icazə lazımdır. Səyahət icazəsi 24 saat ərzində verilir və onu səyahət agentliyindən asanlıqla əldə edə bilərsiniz. Belə icazə olmadan səyahət sizin həbs olunmağınız və ya deportasiya olunmağınızla nəticələnə bilər.
 
Ədən körfəzi və Hind okeanında müvafiq təhlükəsizlik tədbirləri həyata keçirilmədən üzən gəmilər üçün piratlıq ciddi bir təhlükədir.
 
Bunları nəzərə alaraq Yəmənə səfər etmək istəyən Azərbaycan Respublikası vətəndaşlarına ehtiyatlı olmaları, vacib olmadıqda səfərlərini təxirə salmaları tövsiyə olunur. Yəməndə daimi, müvəqqəti yaşayan və olan Azərbaycan Respublikası vətəndaşlarının ölkədə elan olunmuş mövcud qaydalara əməl etmələri və iğtişaşlara qarışmamaları və yaranmış hər hansı problemlə əlaqədar onlara yardım göstərilməsi üçün Azərbaycan Respublikasının Səudiyyə Ərəbistanı Krallığındakı Səfirliyinə və Səfirliyin Ciddə şəhərindəki Ofisinə müraciət etmələri tövsiyə olunur.
 
Azərbaycan Respublikasının xarici ölkələrdəki bütün səfirlik və konsulluqlarının ünvanları Azərbaycan Respublikası Xarici İşlər Nazirliyinin internet səhifəsində (www.mfa.gov.az) yerləşdirilmişdir. Xarici ölkələrdə daimi, müvəqqəti yaşayan və olan Azərbaycan Respublikasının vətəndaşlarına fövqəladə hallar və digər təhlükələr zamanı lazımi kömək göstərilməsi üçün səfirlik və konsulluqlarla əlaqə saxlamaları, konsulluq qeydiyyatına durmaları tövsiyə olunur.
 
Ünvan:
 
Azərbaycan Respublikasının Səudiyyə Ərəbistanı Krallığındakı Səfirliyi
Ünvan: Al Worood Quarter, Amir Feysal bin Saud Abdurahman 59, 94005, Er Riad 
Tel: + 9661 419 23 82
Faks: + 9661 419 22 60
E-mail:riyadh@mission.mfa.gov.az
Veb-sayt: www.azembassy.org.sa
 
 
Azərbaycan Respublikasının Səudiyyə Ərəbistanı Krallığındakı Səfirliyinin Ciddə şəhərindəki Ofisi
Ünvan: Əl-Horma D-1 dst., İskanderriya str. 2474, apt. 10 
Tel/Faks: + 96026 644 41 93
 
 
Azərbaycan Respublikası Xarici İşlər Nazirliyi
Bakı şəhəri, Şıxəli Qurbanov küçəsi 4, AZ 1009
Tel: +994 (12) 596 90 00
Faks: +994 (12) 596 90 01  
 
 

Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına Misirdə mövcud olan vəziyyətlə bağlı xəbərdarlıq edir, 29 yanvar 2011-ci il

 

SƏYAHƏT XƏBƏRDARLIĞI
Azərbaycan Respublikası
Xarici İşlər Nazirliyi
Konsulluq İdarəsi 
Ş.Qurbanov küç. 4 
 
Misir Ərəb Respublikası
 
Azərbaycan Respublikasının Xarici İşlər Nazirliyi Azərbaycan Respublikası vətəndaşlarına Misir Ərəb Respublikasında baş verən son hadisələrlə bağlı xəbərdarlıq edir. 
 
Yanvar ayının sonlarından başlayaraq Misir Ərəb Respublikasında hökumət əleyhinə kütləvi nümayişlər və iğtişaşlar başlamışdır. Kütləvi iğtişaşlar nəticəsində çoxlu sayda insan həlak olmuş və yaralanmışdır. Misir Ərəb Respublikasının hökuməti bütün ölkə ərazisində fövqəladə vəziyyət elan etmişdir. Belə ki, saat 16:00-dan 08:00-dək ölkədə küçəyə çıxmağa məhdudiyyətlər qoyulmuşdur.
 
Bunları nəzərə alaraq Misir Ərəb Respublikasına səfər etmək istəyən Azərbaycan Respublikası vətəndaşlarına yuxarıda qeyd edilən məsələləri nəzərə almaları və ehtiyatlı olmaları, vacib olmadıqda səfərlərini təxirə salmaları tövsiyə olunur. Xüsusilə Qahirə, Asuan və Luksor şəhərlərinə səyahətlər vacib olmadıqca təxirə salınmalıdır. Misir Ərəb Respublikasında daimi, müvəqqəti yaşayan və olan Azərbaycan Respublikası vətəndaşlarının ölkədə elan olunmuş mövcud qaydalara əməl etmələri və iğtişaşlara qarışmamaları və yaranmış hər hansı problemlə əlaqədar onlara yardım göstərilməsi üçün Azərbaycan Respublikasının Misir Ərəb Respublikasındakı Səfirliyinə müraciət etmələri tövsiyə olunur.
 
Azərbaycan Respublikasının xarici ölkələrdəki bütün səfirlik və konsulluqlarının ünvanları Azərbaycan Respublikası Xarici İşlər Nazirliyinin internet səhifəsində (www.mfa.gov.az) yerləşdirilmişdir. Xarici ölkələrdə daimi, müvəqqəti yaşayan və olan Azərbaycan Respublikasının vətəndaşlarına fövqəladə hallar və digər təhlükələr zamanı lazımi kömək göstərilməsi üçün səfirlik və konsulluqlarla əlaqə saxlamaları, konsulluq qeydiyyatına durmaları tövsiyə olunur. 
Ünvan:
 
Azərbaycan Respublikasının Misir Ərəb Respublikasındakı Səfirliyi
Ünvan: Qahirə şəhəri, 11431 Maadi Sarayat, 10-cu küçə, Villa 16/24 
Tel: (202) 2358-37-90/83/61
Fax: (202) 3583725 
 
Azərbaycan Respublikası Xarici İşlər Nazirliyi 
Bakı şəhəri, Şıxəli Qurbanov küçəsi 4, AZ 1009
Tel: +994 (12) 596 90 00
Faks: +994 (12) 596 90 01 

e-mail: katiblik@mfa.gov.az 

 


Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına Pakistan İslam Respublikasında mövcud olan vəziyyətlə bağlı xəbərdarlıq edir

 

30 iyul 2010-cu il

SƏYAHƏT XƏBƏRDARLIĞI

 
Azərbaycan Respublikası
Xarici İşlər Nazirliyi
Ş.Qurbanov küç. 4
 
Pakistan
 
30 iyul 2010-cu il
 
Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına son zamanlar Pakistan İslam Respublikasında baş vermiş hadisələrlə bağlı xəbərdarlıq edir.
 
Pakistanda son dövrlərdə terrorçu qruplaşmalar və Pakistan ordusu arasında toqquşmalar güclənmişdir. Pakistan ərazisində terrorçu qruplaşmalar tərəfindən xarici vətəndaşların qaçırılması və girov götürülməsi hallarının sayı artmışdır.
 
Azərbaycan Respublikası vətəndaşlarının Pakistanın aşağıdakı ərazilərinə səyahət edərkən ehtiyatlı olmaları tövsiyə olunur:
 
Cənubi Vəzirstan, Svat, Bacaur, Xeybər, Xürrəm və Orakzay inzibati bölgələri. Peşəvər şəhəri və onun cənubunda olan bölgələrdə, Şimali və Qərbi Belucistana və Qetta (Quetta) şəhərinə olan səfərlər təhlükəli olaraq qalır. Buner və Aşağı Dirə Lovari yolu vasitəsilə səyahətlər də təhlükəli hesab edilir.
 
Şimali Vəzirstan bölgəsi Pakistanın qonşu Əfqanıstanla sərhəddə yerləşən bölgələrindən biri olaraq, mürəkkəb coğrafi əraziyə, yüksək dağ və sıx meşə zolağına malikdir. Pakistan Silahlı Qüvvələrinin son on səkkiz ay ərzində ölkənin Əfqanıstanla sərhəddə yerləşən inzibati bölgələrdə, o cümlədən Svat, Bacaur, Xeybər, Xürrəm və Orakzayda keçirdiyi geniş miqyaslı əməliyyatlar nəticəsində terrorçu qüvvələr Şimali Vəzirstan ərazisində cəmləşiblər. Bu ərazidə girov götürülmə (qaçırılma) riski də mövcuddur.
 
Bunları nəzərə alaraq, Pakistana səfər etmək istəyən Azərbaycan Respublikası vətəndaşlarının diqqətinə çatdırılır ki, bu ölkəyə səfər edən zaman yuxarıda qeyd edilən məsələləri nəzərə alsınlar və ehtiyatlı olsunlar.
 
Pakistanda daimi və müvəqqəti yaşayan, olan Azərbaycan Respublikasının vətəndaşları qeyd edilən məsələlərlə bağlı hər hansı problemlə qarşılaşdıqda, onlara daha asan yardım göstərilməsi üçün İslamabad şəhərində yerləşən Azərbaycan Respublikasının Pakistan İslam Respublikasındakı Səfirliyi ilə əlaqə saxlamaları və konsulluq qeydiyyatına durmaları tövsiyə olunur.
 
 Azərbaycan Respublikasının xarici ölkələrdəki bütün səfirlik və konsulluqlarının ünvanları Azərbaycan Respublikası Xarici İşlər Nazirliyinin internet səhifəsində (www.mfa.gov.az) yerləşdirilmişdir. Xarici ölkələrdə daimi, müvəqqəti yaşayan və olan Azərbaycan Respublikasının vətəndaşlarına fövqəladə hallar və digər təhlükələr zamanı lazımı kömək göstərilməsi üçün səfirlik və konsulluqlarla əlaqə saxlamaları, konsulluq qeydiyyatına durmaları tövsiyə olunur.
 
Azərbaycan Respublikası Xarici İşlər Nazirliyi Azərbaycan Respublikası vətəndaşlarının səyahəti zamanı baş verə biləcək hadisələrə görə heç bir məsuliyyət daşımır. Diqqətinizə çatdırırıq ki, dünyanın heç bir regionu və ya ölkəsi terror və fövqəladə hadisə riskindən kənar deyil.
 
Ünvanlar:
 
Azərbaycan Respublikasının Pakistan İslam Respublikasındakı Səfirliyi
 
House No.14, St. 84, G-6/3, İslamabad 
tel: +92 (51) 282 93 45, +92 (51) 282 34 55 
faks: +92 (51) 282 08 98
 
 
Azərbaycan Respublikası Xarici İşlər Nazirliyi
 
Bakı şəhəri, Şıxəli Qurbanov küçəsi 4, AZ 1009
Tel: +994 (12) 596 90 00
Faks: +994 (12) 596 90 01 
 
 
Azərbaycan Respublikası Xarici İşlər Nazirliyinin Konsulluq İdarəsi
 
Konsulluq hüquq məsələləri şöbəsi: +994 (50) 760 06 64
Pasport-viza şöbəsi: +994 (50) 760 06 65
Viza informasiya şöbəsi: +994 (50) 760 06 63 
 

Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına İraq Respublikasında mövcud olan vəziyyətlə bağlı xəbərdarlıq edir

9 mart 2010-cu il

 

SƏYAHƏT XƏBƏRDARLIĞI
 
Azərbaycan Respublikası
Xarici İşlər Nazirliyi
Ş.Qurbanov küç. 4
 
İRAQ
 
09 mart 2010-cu il 
 
Azərbaycan Respublikasının Xarici İşlər Nazirliyi Azərbaycan Respublikası vətəndaşlarına İraq Respublikasında baş verən terror hadisələri və silahlı toqquşmalarla bağlı xəbərdarlıq edir.
 
İraq Respublikası ərazisində əvvəlki illərə nisbətən terror hücumlarının sayı azalsa da ölkə ərazisinə səyahət etmək hələ də təhlükəlidir. Xüsusilə, Bağdad və onun şimal hissələrindən Mosul və Kərkükə qədər olan ərazilərə səyahətlər vacib olmadıqca təxirə salınmalıdır. Bunlardan başqa Bəsrə, Maysan, Əl Anbar, Salah Əd Din, Diyala, Vasit, Babil, Nineva, Əl Qadisiyah, Mutanna, Nəcəf, Kərbəla, Di Qar əyalətlərinə edilən səyahətlər də təhlükəlidir.
 
İraq ərazisində İraq Təhlükəsizlik qüvvələri və müxtəlif silahlı qruplaşmalar arasında hər gün toqquşmaların baş verməsi və xarici ölkə vətəndaşlarına qarşı seçimsiz hücumların olması halları müşahidə olunur. Belə ki, 28 yanvar 2010-cu ildə İraq Respublikasında zəvvarları aparan avtomobilə atəş açılması nəticəsində bir Azərbaycan vətəndaşı həlak olmuş, ikisi isə yaralanmışdır.
 
Ölkə ərazisində insanların girov götürülməsi və oğurlanması halları, eyni zamanda nəqliyyat vasitələrinə, insanların öz bədənlərinə və insanların sayının çox olduğu yerlərə yerləşdirilmiş partlayıcı maddələrin partladılması nəticəsində minlərlə insanın ölməsi və yaralanması faktları mövcuddur.
 
Avtomobillə edilən səyahətlər də olduqca təhlükəlidir. Xüsusilə Bağdad şəhəri və Bağdad Beynəlxalq Hava Limanı arasındakı yollarda tez-tez avtomobillərə hücumlar baş verir.    
 
İraq hökuməti İranla sərhəd olan Kella, Saranban-Qolle, Tayvella və Pərviz Xan sərhəd nöqtələrini bağlamışdır. Küveytlə sərhəd məntəqələri olan Abdali və Safvan məntəqələri də qeyri-müəyyən müddətə bağlanmışdır.
 
Bunları nəzərə alaraq İraq Respublikasına səfər etmək istəyən Azərbaycan Respublikası vətəndaşlarının diqqətinə çatdırılır ki, bu ölkəyə səfər edən zaman yuxarıda qeyd edilən məsələləri nəzərə alsınlar və ehtiyatlı olsunlar.
 
İraq Respublikasında daimi və müvəqqəti yaşayan, olan Azərbaycan Respublikasının vətəndaşları qeyd edilən məsələlərlə bağlı hər hansı problemlə qarşılaşdıqda, onlara daha asan yardım göstərilməsi üçün Əmman şəhərində yerləşən Azərbaycan Respublikasının İordaniya Haşimilər Krallığındakı Səfirliyi ilə əlaqə saxlamaları və konsulluq qeydiyyatına durmaları tövsiyə olunur.
 
Azərbaycan Respublikasının xarici ölkələrdəki bütün səfirlik və konsulluqlarının ünvanları Azərbaycan Respublikası Xarici İşlər Nazirliyinin internet səhifəsində (www.mfa.gov.az) yerləşdirilmişdir. Xarici ölkələrdə daimi, müvəqqəti yaşayan və olan Azərbaycan Respublikasının vətəndaşlarına fövqəladə hallar və digər təhlükələr zamanı lazımi kömək göstərilməsi üçün səfirlik və konsulluqlarla əlaqə saxlamaları, konsulluq qeydiyyatına durmaları tövsiyə olunur.
 
Diqqət: Azərbaycan Respublikası Xarici İşlər Nazirliyi Azərbaycan Respublikası vətəndaşlarının səyahəti zamanı baş verə biləcək hadisələrə görə heç bir məsuliyyət daşımır. Diqqətinizə çatdırırıq ki, dünyanın heç bir regionu və ya ölkəsi terror və fövqəladə hadisə təhlükəsindən kənar deyil.
 
Ünvan:
 
Azərbaycan Respublikasının İordaniya Haşimilər Krallığındakı Səfirliyi
 
Al-Kursi, Al-Awabed Str., Bldg № 13., P.O.Box 851894,  Amman 11185
Tel: + 962 (6) 593 55 25; + 962 (6) 593 32 31
Faks: + 962 (6) 593 28 26
 
 
Azərbaycan Respublikası Xarici İşlər Nazirliyi
 
Bakı şəhəri, Şıxəli Qurbanov küçəsi 4, AZ 1009
Tel: +994 (12) 596 90 00
Faks: +994 (12) 596 90 01  

e-mail: katiblik@mfa.gov.az  


Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına Əfqanıstan İslam Respublikasında mövcud olan vəziyyətlə bağlı xəbərdarlıq edir

7 sentyabr 2009-cu il

 

SƏYAHƏT XƏBƏRDARLIĞI

Azərbaycan Respublikası
Xarici İşlər Nazirliyinin
Konsulluq İdarəsi
Ş.Qurbanov küç. 4
 
Əfqanıstan
 
 
7 sentyabr 2009-cu il
 
Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına Əfqanıstan İslam Respublikasında mövcud olan vəziyyətlə bağlı xəbərdarlıq edir.
 
Hal-hazırda Əfqanıstan ərazisində terrorizm və dini qruplaşmalar arasında toqquşmalar mövcuddur. Bu da ölkə ərazisinə gedən və orada olan xarici ölkə vətəndaşları üçün olduqca təhlükəlidir. Mehmanxanalar, hökumət binaları, eləcə də, Əfqanıstana və beynəlxalq institutlara məxsus bir çox binalar potensial hədəflər arasındadır və bu obyektlərin heç biri hücum riskindən sığortalanmayıb.
 
Əfqanıstanın paytaxtı Kabulda yerləşən aeroporta və xarici pilot heyətinə qarşı hücumlar olmuşdur. Bu hücumlar  zamanı intihar bombalarından, raketlərdən, partlayıcı vasitələrdən və mina tələlərdən istifadə edilmişdir. Aeroporta gedən və onun ətrafında yerləşən yollar da olduqca təhlükəlidir.
 
Quru yolu ilə Kabul ətrafında yerləşən ərazilərə səyahətlər xüsusilə təhlükə doğurur və bu ərazilərə səyahətlər Əfqan hökuməti tərəfindən qadağan edilmişdir. Bu ərazilərə yalnız silahlı qüvvələrin müşayiəti ilə getməyə icazə verilir. Kabul-Qəndəhar və Kabul-Torkam magistral yollarında çoxlu insidentlər baş vermişdir. Burada hücumları təşkil etmək üçün saxta nəzarət buraxılış məntəqələri yaradılmışdır. Ölkə ərazisində çoxlu sayda minalar basdırılmışdır. Buna görə də heç bir ərazi təhlükəsiz hesab edilmir.
 
Əfqanıstan ərazisində həmçinin, qaçırılma və girov götürülmə riski də mövcuddur. Bir çox jurnalistlər və QHT işçiləri oğurlanmış və ya girov götürülmüş, bəzi hallarda isə öldürülmüşdür. Xaricilərə qarşı silahlı quldurluq halları da istisna edilmir.
 
Azərbaycan Respublikası vətəndaşlarından Əfqanıstanın aşağıdakı ərazilərinə səyahət edərkən ehtiyatlı olmaları tövsiyə olunur:
 
Kabul - xüsusilə də, Kabul vilayətinin Sarobi Pagman, Musayhi and Çahar Asyab qəsəbələri;
 
Şimali Əfqanıstan -  xüsusilə də, Bədəxşan, Bağlan, Bəlx, Fəryab, Cavcan, Səmənqan, Sari Pul, Tahar şəhərləri;
 
 
Şərqi Əfqanıstan - xüsusilə də, Qəzni, Kapisa Kost, Kunar, Lağman, Loqar, Nanqarhar, Nuristan, Paktika, Vardak, Paktya, Bamiyan, Pərvan, Pəncşir şəhərləri;
 
Cənubi Əfqanıstan - xüsusilə də,  Helmand, Qəndəhar, Nimruz, Uruzqan, Zabul şəhərləri;
 
Qərbi Əfqanıstan - xüsusilə də, Badğiş, Fərəh Dai Kundi, Qor və Herat vilayətinin Şindand və Qozarah qəsəbələri.
 
Bunları nəzərə alaraq Əfqanıstana səfər etmək istəyən Azərbaycan Respublikası vətəndaşlarının nəzərinə çatdırılır ki, bu ölkəyə səfər edən zaman yuxarıda qeyd edilən məsələləri nəzərə alsınlar və ehtiyatlı olsunlar.
 
Əfqanıstanda daimi və müvəqqəti yaşayan, olan Azərbaycan Respublikasının vətəndaşları qeyd edilən məsələlərlə bağlı hər hansı problemlə qarşılaşdıqda, onlara daha asan yardım göstərilməsi üçün İslamabad şəhərində yerləşən Azərbaycan Respublikasının Pakistan İslam Respublikasındakı Səfirliyi ilə əlaqə saxlamaları və konsulluq qeydiyyatına durmaları tövsiyə olunur.
 
Azərbaycan Respublikasının xarici ölkələrdəki bütün səfirlik və konsulluqlarının ünvanları Azərbaycan Respublikası Xarici İşlər Nazirliyinin internet səhifəsində (www.mfa.gov.az) yerləşdirilmişdir. Xarici ölkələrdə daimi, müvəqqəti yaşayan və olan Azərbaycan Respublikasının vətəndaşlarına fövqəladə hallar və digər təhlükələr zamanı lazımi kömək göstərilməsi üçün səfirlik və konsulluqlarla əlaqə saxlamaları, konsulluq qeydiyyatına durmaları tövsiyə olunur.
 
Ünvanlar:
 
Azərbaycan Respublikası Xarici İşlər Nazirliyi
 
Bakı şəhəri, Şıxəli Qurbanov küçəsi 4, AZ 1009
Tel: +994 (12) 596 90 00
Faks: +994 (12) 596 90 01 
 
Azərbaycan Respublikası Xarici İşlər Nazirliyinin Konsulluq İdarəsi
 
Konsulluq hüquq məsələləri şöbəsi: +994 (50) 760 06 64
Pasport-viza şöbəsi: +994 (50) 760 06 65
Viza informasiya şöbəsi: +994 (50) 760 06 63
 
Azərbaycan Respublikasının Pakistan İslam Respublikasındakı Səfirliyi
 
House No.14, St. 84, G-6/3, İslamabad 
tel: +92 (51) 282 93 45, +92 (51) 282 34 55 
faks: +92 (51) 282 08 98
veb-sayt:www.azembassy.com.pk
 
Diqqət: Azərbaycan Respublikası Xarici İşlər Nazirliyi Azərbaycan Respublikası vətəndaşların səyahəti zamanı baş verə biləcək hadisələrə görə heç bir məsuliyyət daşımır. Diqqətinizə çatdırırıq ki, dünyanın heç bir regionu və ya ölkəsi terror və fövqəladə hadisə riskindən kənar deyil.
 
 

Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına Tacikistanda mövcud olan vəziyyətlə bağlı xəbərdarlıq edir, 7 sentyabr 2009-cu il

 

SƏYAHƏT XƏBƏRDARLIĞI

Azərbaycan Respublikası
Xarici İşlər Nazirliyinin
Konsulluq İdarəsi
Ş.Qurbanov küç. 4
 
TACİKİSTAN
 
7 sentyabr 2009-cu il
 
Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına Tacikistanda mövcud olan vəziyyətlə bağlı xəbərdarlıq edir.
 
Tacikistanda təhlükəsizliklə bağlı ümumi vəziyyət sabit olsa da, bu ölkənin Əfqanıstan, Qırğızıstan və Özbəkistanla sərhəd ərazilərinə səyahətlər çox təhlükəlidir. Bu ölkələrlə sərhədlərin hər iki tərəfində yerləri nişanlanmış və nişanlanmamış minalanmış ərazilər mövcuddur. Bunlardan başqa mina təhlükəsi olan əsas ərazilərə İsfar, Soqdi vilayəti, Tavildərə, Vənc və Darvaz, regionları aiddir.
 
Rəşt vadisində və Garm/Tavildara regionunda yaz aylarında güclü torpaq sürüşmələri baş verir. Bu ərazilərə gedərkən səyahətçilərin bunları nəzərə almaları tövsiyə olunur.
 
Paytaxt şəhəri Düşənbə təhlükəsiz olsa da, Əfqanıstanla sərhəd ərazilərdə tez-tez narkotik alverçiləri və sərhədçilər arasında silahlı toqquşmalar baş verir.
 
Ümumdünya Səhiyyə Təşkilatının məlumatına əsasən Tacikistanda donuz qripinə yoluxma halları baş verməsə də, ümumi regionda donuz qripi ilə əlaqədar təsdiqlənmiş faktlar mövcuddur.
 
Tacikistanda daimi, müvəqqəti yaşayan və olan Azərbaycan Respublikasının vətəndaşlarının hər hansı problemlə əlaqədar onlara yardım göstərilməsi üçün Azərbaycan Respublikasının Tacikistandakı Səfirliyi ilə əlaqə saxlamaları və konsulluq qeydiyyatına durmaları tövsiyə olunur.
 
Azərbaycan Respublikasının xarici ölkələrdəki bütün səfirlik və konsulluqlarının ünvanları Azərbaycan Respublikası Xarici İşlər Nazirliyinin internet səhifəsində (www.mfa.gov.az) yerləşdirilmişdir.
 
Ünvan:
 
Azərbaycan Respublikasının Tacikistandakı Səfirliyi
 
Parkharskaya str. 1, Dushanbe
tel: + 992 (37) 227 11 90; + 992 (37) 227 11 91 
faks: + 992 (37) 227 66 51; + 992 (37) 227 11 92
 
Azərbaycan Respublikası Xarici İşlər Nazirliyi
 
Bakı şəhəri, Şıxəli Qurbanov küçəsi 4, AZ 1009
Tel: +994 (12) 596 90 00
Faks: +994 (12) 596 90 01  
 
Azərbaycan Respublikası Xarici İşlər Nazirliyinin Konsulluq İdarəsi
 
Konsulluq hüquq məsələləri şöbəsi: +994 (50) 760 06 64
Pasport-viza şöbəsi: +994 (50) 760 06 65
Viza informasiya şöbəsi: +994 (50) 760 06 63
 
Diqqət: Azərbaycan Respublikası Xarici İşlər Nazirliyi Azərbaycan Respublikası vətəndaşlarının səyahəti zamanı baş verə biləcək hadisələrə görə heç bir məsuliyyət daşımır. Diqqətinizə çatdırırıq ki, dünyanın heç bir regionu və ya ölkəsi terror və fövqəladə hadisə təhlükəsindən kənar deyil.
 
 

 

Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına Somalidə mövcud olan vəziyyətlə bağlı xəbərdarlıq edir, 16 avqust 2009-cu il

 

SƏYAHƏT XƏBƏRDARLIĞI
Azərbaycan Respublikası
Xarici İşlər Nazirliyinin
Konsulluq İdarəsi
Ş.Qurbanov küç. 4
 
SOMALİ
 
16 avqust, 2009-cu il
 
Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına Somali Respublikasında mövcud olan vəziyyətlə bağlı xəbərdarlıq edir.
 
Hal-hazırda Somali ərazisində qeyri-stabillik davam edir. Ölkənin paytaxtı Moqadişo şəhərində qida qiymətlərin qalxması ilə əlaqədar olaraq etiraz aksiyaları və hərbi toqquşmalar davam edir. Somali hökuməti ölkə ərazisində təhlükəsizliyi təmin etmək iqtidarında deyil.
 
Azərbaycan Respublikasının Xarici İşlər Nazirliyi Somaliyə səyahət etmək istəyən Azərbaycan Respublikasının vətəndaşlarına tanınmamış Somaliland və  Somalinin şimalında yerləşən Puntland inzibati regiona getməməyi tövsiyə edir.
 
Somalidə yerli qruplaşmalar və qəbilələr arasında hərbi toqquşmalar davam edir. Bundan başqa ölkədə qəsdən adamöldürmə, insan oğurluğu, soyğunçuluq kimi cinayətlər geniş yayılıb.
 
Hal-hazırda Somali ərazisində terror təhlükəsi mövcuddur. 2009-cu ilin may ayından Moqadişo terrorçuların hücumlarına məruz qalır. 30-a yaxın rəsmi dövlət nümayəndəsi belə hücumlar nəticəsində öldürülmüşdür. İyun ayın 18-də Somalinin Təhlükəsizlik Naziri  terror partlayışı nəticəsində həyatını itirmişdir.
 
Somalinin beynəlxalq və daxili sularında dəniz quldurluğu ən böyük problem olaraq qalır. Beynəlxalq Dəniz Bürosunun dəniz quldurlarının hücumlarının monitorinq Mərkəzinin məlumatlarına görə, 2009-cu ilin əvvəlindən indiyədək dəniz quldurları tərəfindən Ədən körfəzində gəmilərə qarşı 114 hücum təşkil olunub və bu hücumların 29-u gəmilərin zəbt olunması ilə nəticələnib. Mərkəzin məlumatlarına əsasən Somali dəniz quldurları 17 gəmini və 300-ə qədər dənizçini girov saxlayıb. Bundan başqa 2009-cu ilin avqust ayının əvvəlində dəniz quldurlarının yaşadığı portda, Xaraderedə iki qəbilə arasında hərbi toqquşmalar baş vermişdir.
 
Somalidə difterit, tetanus, vərəm, QİÇS və  poliomielit kimi infeksion xəstəliklər geniş yayılıb. Ümumdünya Səhiyyə Təşkilatının məlumatına əsasən Somalidə donuz qripinə yoluxma halları baş verməsə də, ümumi regionda donuz qripi ilə əlaqədar təsdiqlənmiş faktlar mövcuddur.
 
Bunları nəzərə alaraq Somaliyə səfər etmək istəyən Azərbaycan Respublikası vətəndaşlarının diqqətinə çatdırılır ki, bu ölkəyə səfər edən zaman yuxarıda qeyd edilən məsələləri nəzərə alsınlar və ehtiyatlı olsunlar.
 
Somalidə daimi, müvəqqəti yaşayan və olan Azərbaycan Respublikasının vətəndaşlarının hər hansı problemlə əlaqədar onlara yardım göstərilməsi üçün Azərbaycan Respublikasının Misirdəki Səfirliyi ilə əlaqə saxlamaları və konsulluq qeydiyyatına durmaları tövsiyə olunur.
 
Azərbaycan Respublikasının xarici ölkələrdəki bütün səfirlik və konsulluqlarının ünvanları Azərbaycan Respublikası Xarici İşlər Nazirliyinin internet səhifəsində (www.mfa.gov.az) yerləşdirilmişdir.
 
Ünvan:
 
Azərbaycan Respublikasının Misirdəki Səfirliyi
 
Qahirə, Maadi Sarayat, küç.10, Villa 16/24
tel: + 20223583790; + 20223583761
faks: + 20223583725
 
Azərbaycan Respublikası Xarici İşlər Nazirliyi
 
Bakı şəhəri, Şıxəli Qurbanov küçəsi 4, AZ 1009
Tel:  +994 (12) 596 90 00        
Faks: +994 (12) 596 90 01  
 
Azərbaycan Respublikası Xarici İşlər Nazirliyinin Konsulluq İdarəsi
 
Konsulluq hüquq məsələləri şöbəsi: +994 (50) 760 06 64        
Pasport-viza şöbəsi: +994 (50) 760 06 65        
Viza informasiya şöbəsi: +994 (50) 760 06 63 
 

Diqqət: Azərbaycan Respublikası Xarici İşlər Nazirliyi Azərbaycan Respublikası vətəndaşlarının səyahəti zamanı baş verə biləcək hadisələrə görə heç bir məsuliyyət daşımır. Diqqətinizə çatdırırıq ki, dünyanın heç bir regionu və ya ölkəsi terror və fövqəladə hadisə təhlükəsindən kənar deyil.  

 


 

Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına Nigeriyada mövcud olan vəziyyətlə bağlı xəbərdarlıq edir, 11 avqust 2009-cu il

 

SƏYAHƏT XƏBƏRDARLIĞI
Azərbaycan Respublikası
Xarici İşlər Nazirliyinin
Konsulluq İdarəsi
Ş.Qurbanov küç. 4
 
NİGERİYA
 
11 avqust 2009-cu il
 
Azərbaycan Respublikasının Xarici İşlər Nazirliyi Azərbaycan Respublikasının vətəndaşlarına Nigeriya Federativ Respublikasında mövcud olan vəziyyətlə bağlı xəbərdarlıq edir.
 
Nigeriyada təhlükəsizliklə bağlı ümumi vəziyyət qeyri-sabit olaraq qalır. İyun ayın 26-dan indiyədək Nigeriyanın Bauçi ştatında və bu ştatın inzibati paytaxtı Maydiquridə ”Boko haram” dini qruplaşması və hökumət qüvvələri arasında hərbi toqquşmalar davam edir. Döyüşlər Kano, Yobe, Katsina və Borno ştatlarının ərazilərinə də yayılıb. Döyüşlər nəticəsində 850-ə qədər insan həyatını itirmişdir. Hal-hazırda Mayduquri şəhərində komendant saatı rejimi tətbiq olunur.
 
Azərbaycan Respublikasının Xarici İşlər Nazirliyi Nigeriya ərazisində olan və Niger çayının deltası boyunca yerləşən Bayelsa, Delta və Rivers (bu ştatın Port Harcourt  şəhərinə) ştatlarına getməməyi tövsiyə edir. Bu regionda mövcud olan silahlı qruplaşmalar və Nigeriya Federativ Respublikasının Birləşmiş qüvvələri arasında iğtişaşlar davam edir. 2008-ci ilin yanvar ayından bu regionda 54 xarici vətəndaşın oğurlanması faktı qeydə alınıb. 2009-cu ilin may ayından indiyədək Nigeriya Federativ Respublikasının Birləşmiş qüvvələri Niger çayının deltası boyunca hərbi əməliyyatlara başlayıb.
 
Nigeriya Federativ Respublikasının iri şəhərlərinə (Lagos, Kano) və Abia, Edo, Anambra, Akva Ibom ştatlarına  səyahət edən Azərbaycan Respublikası vətəndaşları insan oğurluğu, soyğunçuluq, silahlı basqın, dələduzluq və cibgirlik kimi cinayətlərlə qarşılaşmaq riski daşıyırlar.
 
Nigeriyada su və qida vasitəsi ilə yayılan hepatit, qızılca, vərəm, QİÇS, malyariya və  poliomielit kimi infeksion xəstəliklər geniş yayılıb. Ümumdünya Səhiyyə Təşkilatının məlumatına əsasən Nigeriyada donuz qripinə yoluxma halları baş verməsə də, ümumi regionda donuz qripi ilə əlaqədar təsdiqlənmiş faktlar mövcuddur.
 
Bunları nəzərə alaraq Nigeriyaya səfər etmək istəyən Azərbaycan Respublikası vətəndaşlarının diqqətinə çatdırılır ki, bu ölkəyə səfər edən zaman yuxarıda qeyd edilən məsələləri nəzərə alsınlar və ehtiyatlı olsunlar.
 
Nigeriyada daimi, müvəqqəti yaşayan və olan Azərbaycan Respublikasının vətəndaşlarının hər hansı problemlə əlaqədar onlara yardım göstərilməsi üçün Azərbaycan Respublikasının Mərakeşdəki Səfirliyi ilə əlaqə saxlamaları və konsulluq qeydiyyatına durmaları tövsiyə olunur.
 
Azərbaycan Respublikasının xarici ölkələrdəki bütün səfirlik və konsulluqlarının ünvanları Azərbaycan Respublikası Xarici İşlər Nazirliyinin internet səhifəsində (www.mfa.gov.az) yerləşdirilmişdir.
 
Ünvan:
 
Azərbaycan Respublikasının Mərakeşdəki  Səfirliyi
 
Agdal-Rabat, Abu Hanifa küçəsi 3
tel: +212 (37)671915; +212 (37)671922; +212 (37)672073
faks: +212 (37)671918; +212 (37)672073
 
Azərbaycan Respublikası Xarici İşlər Nazirliyi
 
Bakı şəhəri, Şıxəli Qurbanov küçəsi 4, AZ 1009
Tel:  +994 (12) 596 90 00        
Faks: +994 (12) 596 90 01  
 
Azərbaycan Respublikası Xarici İşlər Nazirliyinin Konsulluq İdarəsi
 
Konsulluq hüquq məsələləri şöbəsi: +994 (50) 760 06 64        
Pasport-viza şöbəsi: +994 (50) 760 06 65        
Viza informasiya şöbəsi: +994 (50) 760 06 63
 

Diqqət: Azərbaycan Respublikası Xarici İşlər Nazirliyi Azərbaycan Respublikası vətəndaşlarının səyahəti zamanı baş verə biləcək hadisələrə görə heç bir məsuliyyət daşımır. Diqqətinizə çatdırırıq ki, dünyanın heç bir regionu və ya ölkəsi terror və fövqəladə hadisə təhlükəsindən kənar deyil. 

 

Arxiv üzrə axtarış

xin diplomatic service