Mozambik

 

 Waving Flag of Mozambique (Animated Gif)

 Mozambik Respublikası

 

Prezident: Zati-aliləri cənab Filipe Nyusi

Baş Nazir: cənab Karlos Aqostinyo do Rosario

Parlament Sədri: xanım Veronika Makamo

Xarici İşlər və Əmkdaşlıq naziri: cənab Xose Kondunqua Paçeko

 

İkitərəfli münasibətlər

20 iyun1995-ci iltarixində ölkələrimiz arasında diplomatik əlaqələrin yaradılması haqqında Protokol imzalanmışdır.

18 aprel 2013-cü il tarixində Azərbaycan Respublikasının Cənubi Afrika Respublikasındakı fövqəladə və səlahiyyətli səfiri Elxan Polux oğlu Poluxov iqamətgahı Pretoriya şəhərində olmaqla, eyni zamanda Azərbaycan Respublikasının Mozambik Respublikasında fövqəladə və səlahiyyətli səfiri təyin edilmişdir.

19 fevral 2014-cü il tarixində Azərbaycan Respublikasının CAR-dakı Səfiri Elxan Poluxov etimadnamələrini Mozambik Respublikasının Prezidenti cənab Armando Emilio Quebuzaya təqdim etmişdir.

20-27 fevral 2014-cü il tarixlərində AR-in Xarici İşlər naziri Elmar Məmmədyarov CAR, Mozambik və Botsvanada səfərdə olmuşdur. Mozambik Respublikasına ilk rəsmi səfəri çərçivəsində nazir Elmar Məmmədyarov Mozambikin Xarici İşlər naziri Oldemiro Baloi və Mozambik Respublikasının Təbii sərvətlər naziri cənabSalvadora Namburete ilə görüş keçirmişdir.

Afrika ölkələrində həyata keçirilən “Qarşısı alına bilən görmə qabiliyyətinin itirilməsi ilə mübarizə” kampaniyası çərçivəsində Azərbaycan Respublikasının Beynəlxalq İnkişafa Yardim Agentliyi BMT-nin 3-cü Davamlı İnkişaf Məqsədini rəhbər tutaraq 2009-2016-cı illəri əhatə edən kampaniyanın birinci mərhələsi ərzində Mozambiklə yanaşı, Benin, Burkina Faso, Çad, Cibuti, Kamerun, Kot-d’İvuar, Qvineya, Liviya, Mali və Nigerdə ümumilikdə 300 mindən artıq insanın gözü müayinə edilmiş, görmə qabiliyyətini tam və ya qismən itirmiş 56 mindən artıq insan isə ödənişsiz əsasda həyata keçirilmiş katarakt əməliyyatları nəticəsində öz sağlamlığına qovuşmuşdur. Eyni zamanda, kampaniya çərçivəsində 177 yerli həkimin peşəkar səviyyəsinin yüksəldilməsi məqsədilə müvafiq təlimlər keçirilmişdir.

Arxiv üzrə axtarış

xin diplomatic service